اردو | हिन्दी | English
95 Views
Politics

آر کے سریواستو کمیٹی کی رپورٹ وزیراعلیٰ رگھوور داس کو پیش

raghuwar
Written by Tariq Hasan

رانچی 11 اگست (معیز الدین خان): فائلوں کو نپٹانے میں غیر ضروری تاخیر سے بچنے اور کام کو آسان بنانے کیلئے آر کے سریواستو ممبر ریونیو بورڈ کی صدارت میں تشکیل اعلیٰ سطحی کمیٹی کے ذریعہ تیار کی گئی سفارش وزیراعلیٰ رگھوور داس کو سونپی گئی ہے۔ کمیٹی کے چیئرمین آر کے سریواستو نے اپنی سفارشیں وزیراعلیٰ کو سونپی۔ اپنی رپورٹ میں کمیٹی نے فائلوں کو پیش کرنے کے عمل کو آسان بنانے اور اسے جدید سہولیات کا استعمال کرکے غیر ضروری تاخیر کو ٹالنے کی کئی صورتیں بتائی گئی ہیں۔ اس میں پالیسی وضع کرنے اور منصوبوں کو نافذ کرنے کیلئے فیصلہ لینے میں بھی کم وقت لگے گا۔ کمیٹی کی اہم سفارشات میں ای فائلنگ نظام اور طاقت کی لامرکزیت ،سکریٹریٹ کے سبھی خالی عہدوں کو بھرنا محکموں کے درمیان مشورے اور سبھی کٹیگری کے ملازمین کی صلاحیت میں اضافہ کیلئے اعلیٰ سطحی تربیت کی بھی سفارش کی گئی ہے۔ ای فائلنگ نظام کے تحت فائلوں کا مومنٹ کمپیوٹرائزڈ ہوگا۔ پائلٹ پروجیکٹ کے طور پر سب سے پہلے یہ انفارمیشن ٹکنالوجی اور ای گورننس محکمہ میں نافذ کیا جائے گا۔

About the author

Tariq Hasan