اردو | हिन्दी | English
103 Views
Politics

تلنگانہ کے وزیراعلی نے کریم نگر میں فضائی معائنہ کیا

chandr-shekhar-rao
Written by Tariq Hasan

حیدرآباد 26ستمبر (یواین آئی )تلنگانہ کے وزیراعلیٰ کے چندر شیکھر راؤ نے افسروں کو ہدایت دی ہے کہ وہ دریائے گوداوری میں طوفان پر وقتاً فوقتاً چوکس رہیں۔ انھوں نے ضلع کریم نگر میں فضائی سروے کے بعد مانیرو پروجیکٹ کا دورہ کیا۔ انھوں نے افسروں سے خواہش کی کہ صورتِ حال کا جائزہ لیں اور احتیاطی اقدامات کریں۔ انھوں نے افسروں کو ہدایت دی کہ موجودہ تجربے پر غور کرتے ہوئے جامع اقدامات کریں تاکہ طوفان اور بارش سے کوئی نقصان نہ ہونے پائے ۔ انھوں نے کہا کہ پانی کے شدید بہاؤ کے سبب مِڈ مانیر ڈیم میں شگاف پڑگیا ہے ۔ انھوں نے گزشتہ دس برسوں میں ڈیم کے کاموں کی بروقت تکمیل میں لاپرواہی پر پیشرو حکومتوں کو مورد الزام ٹھہرایا۔ انھوں نے افسروں کو ہدایت دی کہ دیہاتیوں کو واپس لایا جائے جنھیں مِڈ مانیر ڈیم کے 130 میٹر میں شگاف کے سبب مواضعات سے خالی کروایا گیا تھا۔ اس موقع پر وزراء ہریش راؤ، ای راجندر، ارکان پارلیمنٹ بی ونود، بلکا سمن، چیف سکریٹری راجیو شرما، اسپیشل چیف سکریٹری ایس کے جوشی اور بیشتر ارکان اسمبلی بھی موجود تھے۔

About the author

Tariq Hasan