اردو | हिन्दी | English
3906 Views
Technology

جانیے کہ فیس بک آپ کے بارے میں کیا جانتا ہے

102165565-facebook-530x298
Written by Taasir Newspaper

Taasir Urdu News Network | Updated on 2 Oct 2016, 9:30 PM IST

سان فرانسسكو: آپ فیس بک پر جتنی زیادہ پوسٹس شیئرکریں گے اور لکھیں گے فیس بک آپ کے بارے میں اتنا ہی جاننے لگے گا لیکن آخر اس کا اندازہ کیسے لگایا جائے تو اس کے لیے کروم براؤزر کے لیے ایک پلگ ان بنایا گیا ہے جو آپ کو آپ کی خفیہ زندگی کے چند پہلو بتاتا ہے جو فیس بک کے ذریعے آشکار ہوتے ہیں۔

فیس بک آپ کے کریڈٹ کارڈ کی تعداد سے لے کر آپ کے رویئے اور سواری تک سے آگاہ ہوسکتا ہے مگر اس کا اندازہ ایک ایکسٹیشن پروگرام کے ذریعے لگایا جاسکتا ہے جسے ’’پروپبلکا‘‘ کا نام دیا گیا ہے۔

پروپبلکا کے ذریعے فیس بک یوزر نہ صرف فیس بک کے علم میں آنے والی اپنی معلومات دیکھ سکتے ہیں بلکہ انہیں درست یا غلط ہونے کی بنا پر مختلف نمبر بھی دے سکتے ہیں۔ ہم جانتے ہیں کہ فیس بک کے خاص الگورتھم آپ کی پوسٹ، لائکس، ٹیگنگ، اسٹیٹس اور تاثرات و کمنٹس سے آپ کے رحجانات اور شخصیت کا اندازہ لگاتے رہتے ہیں۔ پلگ ان کو نیویارک کی ایک غیرمنافع بخش کمپنی نے عوامی مفاد کے لیے تیار کیا ہے۔

فیس بک آن لائن اسٹور کی خریداری، کار کے انتخاب اور بیوٹی پارلر کی بکنگ کو یاد رکھتا ہے اور خاموشی سے معلومات جمع کرتا رہتا ہے۔ لیکن پروپبلکا کے مطابق صرف یہی نہیں فیس بک آپ کے مکانات کی اقساط فراہم کرنے والے ادارے، شاپنگ رحجانات اور دیگر معلومات ڈیٹا کمپنیوں سے خرید کر جمع کرتا رہتا ہے۔

یہ معلومات مہنگے داموں مارکیٹنگ کمپنیوں کو فراہم کردی جاتی ہیں اور وہ آپ کو آپ کی پسند کی بنا پر اشتہارات دکھانا شروع کردیتی ہے۔ پروپبلیکا کے مطابق فیس بک 1300 کیٹگریز کے تحت صارفین کو اشہتارات دکھاتی ہے۔ فیس بک یہ بھی جانتا ہے کہ آپ کتنا بڑا مکان دیکھ رہے ہیں اور آپ کے پاس کریڈٹ کارڈ کتنے ہیں۔ خیال ہے کہ فیس بک آپ کے متعلق معلومات کے 98 شعبوں کی خبر رکھتی ہے جن میں کھانے کے رحجان، سیاسی پسند و ناپسند، عادات اور پسند کی اشیا اور یہاں تک کہ معتدل اور سخت گیر رحجان کی پیش گوئی بھی کرتی ہے۔

About the author

Taasir Newspaper