اردو | हिन्दी | English
104 Views
Sports

سائنا کی قیادت میں لوہا لینے کیلئے تیار شٹلر

SAINA NEHWAL
Written by Tariq Hasan

ریو دی جینرو، 10 اگست (یواین آئی) لندن اولمپکس میں کانسے کا تمغہ جیتنے والی سائنا نہوال ریو میں جمعرات سے ہندوستانی بیڈمنٹن ٹیم کی قیادت کرنے اتریں گي جہاں ان پر کروڑوں ہم وطنوں کی نظریں ہوں گی۔ لندن اولمپکس میں کانسے کا تمغہ حاصل کرنے والی سائنا خواتین کے سنگلز میں تو ماہر جوڑی جوالا گٹا اور اشونی پونپا خواتین کے ڈبلز میں تمغے کے مضبوط دعویدار کھلاڑی ہیں۔ ہندوستان کے چھ کھلاڑی بیڈمنٹن مقابلوں میں اپنا چیلنج پیش کرنے اتریں گے جہاں ان پر بہتر کارکردگی کا کافی دباؤ رہے گا۔سائنا کو بیڈمنٹن میں ملک کی سب سے بڑی تمغہ کی امید تصور کیا جا رہا ہے ۔ سابق نمبر ایک کھلاڑی سائنا موجودہ عالمی رینکنگ میں دنیا کی پانچویں نمبر کی سنگلز کھلاڑی ہیں۔ اولمپکس میں سائنا کا سفر اب تک کافی کامیاب رہا ہے اور وہ لندن اولمپکس میں کانسے کا تمغہ جیتنے سے پہلے بیجنگ اولمپکس 2008 میں کوارٹر فائنل تک پہنچی تھیں۔سائنا ریو اولمپکس کے گروپ جی میں اپنے مہم کا آغاز کریں گی۔ قومی کوچ پلیلا گوپی چند کے بعد سال 2014 سے سابق چیف کوچ ومل کمار سے الگ سے ٹریننگ لے رہیں سائنا اچھی فارم میں ہیں۔ ومل کی قیادت میں انہوں نے آل انگلینڈ اور عالمی چیمپئن شپ میں چاندی کا تمغہ جیتا تھا جبکہ انڈیا اوپن اور چین سپر سیریز میں خطاب جیت کر دنیا کی نمبر ایک کھلاڑی بھی بنیں۔26 سالہ سائنا اس سال اگرچہ چوٹ سے کافی متاثر رہی تھیں جس سے ان کی کارکردگی پر خاصا اثر پڑا۔ تاہم جون میں انہوں نے آسٹریلین اوپن کا خطاب جیت لیا۔ سائنا نے جمعرات سے ریو میں شروع ہو رہے اپنے بیڈمنٹن مقابلوں کو لے کر صحافیوں سے کہا “میں اس ہفتے اپنی بہترین کارکردگی کا مظاہرہ کرنے کو تیار ہوں۔ میں کھیلوں کو لے کر مثبت ہوں اور اپنے کھیل پر مکمل توجہ مرکوز کروں گی۔ “۔ “اولمپکس میں قدم رکھنے والی سندھو گروپ ایم میں ہیں۔ وہ کئی اعلی کھلاڑیوں کو شکست دے چکی ہیں۔ سندھو نے کہا “میں نے کئی بڑی کھلاڑیوں کو شکست دی ہے اور مجھے اس سے کافی اعتماد ملا ہے ۔مردوں کے سنگلز میں ہندوستان کو کدامبي سری کانت سے تمغے کی کافی امیدرہے گی ۔ تاہم سنگلز مقابلوں میں ان کے سامنے سابق نمبر ون لی چونگ وئی، چین لونگ ، لن ڈین اور جان او جوگنسن کا سخت چیلنج رہے گا۔. ان گروپ میں سویڈن کے ہنری ھرسکنن اور میکسیکو کے لینو مینوز شامل ہیں۔ اس کے علاوہ 2010 دولت مشترکہ کھیلوں کے طلائی تمغہ فاتح جوڑی جوالا گٹا اور اشونی پونپا اور مردوں کے ڈبلز میں منو اتري اور بی سمت ریڈی کی جوڑی سے کافی امیدیں ہیں۔جوالا اشونی کے گروپ میں ٹاپ سیڈ آیاکا تاکاہاشی اور مساکی ماتسومو، ہالینڈ کی ایفے مسکینس اور سیلینا پیئل اور تھائی لینڈ کی سپراجراکول پتوتا اور سپاسیری تائراتانچائی کا چیلنج ہوگا۔

About the author

Tariq Hasan