اردو | हिन्दी | English
205 Views
Entertainment

سوشل میڈیا لوگوں کو سست بنا رہا ہے : ایشوریا رائے

aishwarya
Written by Tariq Hasan

ممبئی۔5اکتوبر(یواین این )سابق ملکہ حسن ایشوریا رائے کا کہنا ہے کہ سوشل میڈیا لوگوں کو سست بنا رہا ہے اسی لیے وہ سوشل میڈیا استعمال کرنا پسند نہیں کرتیں۔ممبئی میں صفائی کی آگہی سے متعلق ایک تقریب میں ایشوریا نے اپنے سوشل میڈیا کم استعمال کرنے کی وجہ بتا دی۔ ان کا کہنا تھا کہ سوشل میڈیا لوگوں کو سست بنا رہا ہے جس کے باعث لوگ اپنے کئی ضروری کام انجام نہیں دے پاتے۔ایشوریا رائے خود بھی سوشل میڈیا کا نہایت کم استعمال کرتی ہیں۔ان کا کہنا تھا کہ لوگوں کے پاس ایک دوسرے سے بات کرنے کے لیے وقت ہی نہیں ہے کیونکہ وہ اپنے موبائل فون میں بے حد مصروف ہوتے ہیں۔انہوں نے کہاکہ میں سمجھتی ہوں موبائل فون کا استعمال ہماری اخلاقیات پر بھی منفی اثر ڈال رہا ہے۔ ہمارے سامنے اگر فرش پر کوئی ٹشو پیپر پڑا ہوگا تو ہم کبھی اسے اٹھا کر کوڑا دان میں نہیں ڈالیں گے کیونکہ ہمیں اپنے موبائل فون سے فرصت ہی نہیں ملے گی۔ایشوریا رائے آج کل اپنی فلم ’اے دل ہے مشکل‘ کی پرمووشن میں مصروف ہیں جو 28 اکتوبر کو ریلیز ہونے جارہی ہے۔ فلم میں ایشوریا رائے نے شاعرہ کا کردار ادا کیا ہے۔

About the author

Tariq Hasan