اردو | हिन्दी | English
714 Views
Around the World

عالمی تازہ خبریں ایک نظز میں ۔ پیشکشِ تاثیر

worldnews
Written by Taasir Newspaper

بورس جانسن برطانیہ کے نئے وزیر خارجہ اور فلپ ہمنڈوزیر خزانہ ہونگے

 لندن ، 14 جولائی (یو این آئی ) برطانیہ کی نئی وزیر اعظم تھریسامے نے کل رات اپنی کابینہ کے چار نئے وزرا کا اعلان کیا ہے جن میں بورس جانسن کو وزیر خارجہ بنایا گیا ہے۔
ان کے علاوہ فلپ ہمنڈ ڈیوڈ ڈیوس ٹم فوکس اور امبر رڈ کے نام بھی شامل ہیں ۔
واضح رہے کہ بورس جانسن نے برطانیہ کے یوروپی یونین سے علیحدہ ہونے کی مہم چلائی تھی

داعش نے شیشانی کی موت تصدیق کی

بغداد ، 14 جولائی (رائٹر ) دولت اسلامیہ (داعش) نے چیچن کے نام سے مشہور اپنی تنظیم کے ایک جنگجو ابوعمر اشیشانی کی موت کی تصدیق کردی ہے۔
داعش کی حامی خبررساں ایجنسی عمق نے بتایا ہے کہ شیشانی موصل کے جنوب میں واقع عراق کے شرکت شہر میں مارا گیا ہے حالانکہ رائٹر اس کی آزادانہ تصدیق نہیں کرسکا ہے۔
قبل ازیں امریکہ کے محکمہ دفاع پنٹاگن نے مارچ میں امریکی فضائی حملوں میں شیشانی کے مارے جانے کا امکان ظاہر کیا تھا

امریکی فضائی حملے میں پشاور اسکول پر حملے کا مجرم عمر خلیفہ

ہلاک

واشنگٹن ،14جولائی (رائٹر)پاکستان کی باچا خان یونیورسٹی اور پشاور کے ایک اسکول پر ہوئے حملے کا ملزم عمر خلیفہ افغانستان میں امریکی فضائی حملے میں مارا گیاہے۔
یہ اطلاع امریکی دفاعی محکمے پنٹاگن کے ترجمان پیٹر کک نے دی ہے۔
انہوں نے بتایا کہ طارق گیدر گروپ کا جنگجو عمر نارے عرف خلیفہ عمر افغانستان کے خراسان صوبے میں اسلامک اسٹیٹ (آئی ایس )کو نشانہ بناکر کئےگئے امریکی فضائی حملے میں دیگر چار دہشت گردوں کے ساتھ ہلاک ہوگیا ہے

مریکہ نے 47 فوجی جنوبی سوڈان بھیجے

واشنگٹن، 14 جولائی (رائٹر) امریکہ نے جنوبی سوڈان میں خونریز تشدد کے بعد وہاں امریکی شہریوں اور اپنے سفارتخانہ کی حفاظت کے لئے 47 فوجی روانہ کئے ہیں ۔
امریکی صدارتی دفتر وائٹ ہاوس نے ایک بیان جاری کرکے کہا ہے کہ امریکہ نے 47 فوجی جنوبی سوڈان بھیجے ہیں ۔
وہ اس وقت تک جنوبی سوڈان میں رہیں گے جب تک حالات معمول پر نہیں آجاتے

تھیریسامے برطانوی وزیر اعظم بنیں

لندن،13 جولائی (رائٹر) ملکہ برطانیہ الزیبیتھ کے ذریعہ ڈیوڈ کیمرون کا استعفی منظور کیے جانے کے تھوڑے دیر بعد تھیریسامے کو برطانیہ کی وزیر اعظم متعین کردیا گیا۔
ایک سرکاری تصویر میں محترمہ تھیریسامے کو بکننگھم پلیس میں ملکہ برطانیہ کے ساتھ ملاقات کرتے ہوئے دکھایا گیا ہے۔
برطانیہ کی غیر تحریری آئین کے تحت شاہ برطانیہ کو حق ہے کہ وہ پارلیمنٹ کے ایوان زیریں (دارالعوام) میں اکثریتی پارٹی کے لیڈر کو حکومت سازی کے ہدایت دیں

About the author

Taasir Newspaper