اردو | हिन्दी | English
190 Views
Politics

لالو نے کہا’بہار نے بی جے پی کو دھویا اب یوپی کی بار ی’

lalu
Written by Tariq Hasan

پٹنہ،14اکتوبر(یواین آئی)راشٹریہ جنتا دل(آر جے ڈی) کے صدر اور سابق مرکزی وزیر لالو پرساد یادو نے بھارتیہ جنتا پارٹی(بی جے پی)کو فرقہ پرست پارٹی قرار دیتے ہوئے اترپردیش کے لوگوں سے آئندہ اسمبلی انتخابات میں بی جے پی کو پھر سے پٹخنے کی اپیل کی ہے ۔مسٹر یادو نے مائکرو بلاگنگ سائٹ پر ٹویٹر پر لکھا،”بہار نے ان کو پٹخ پٹخ کر دھویا اب باری یوپی کے عوام کی ہے ۔انہوں نے آگے لکھا ہے کہ فرقہ پرستوں کو ہراؤ،امن،چین ،بھائی چارہ اور خوشحالی قائم رکھو۔”آر جے ڈی کے صدر کے بیٹے اور بہار کے نائب وزیر اعلی تیجسوی یادو نے ان کے ٹویٹ کو شیئر کرتے ہوئے اپنے رد عمل میں لکھا،”یہ ہے میرا بہار،اپنا بہار،ہمارا بہار۔وہ اس لئے بہار کو بدنام کرتے ہیں کیونکہ ان کے برے منصوبے کامیاب نہیں ہوتے ۔”

About the author

Tariq Hasan