اردو | हिन्दी | English
255 Views
Politics

ممتا جرمن سرمایہ داروں کو بنگال میں سرمایہ لگانے کی دعوت دیں گی

mamta
Written by Tariq Hasan

میونخ 06 ستمبر (ایجنسی): بنگال کی وزیر اعلیٰ ممتا بنرجی جو اس وقت جرمنی کے دورے پر ہیں ، میونخ میں سرمایہ داروں کے ساتھ کئی میٹنگیں کریں گی اور ان سے ریاست میں سرمایہ لگانے کی اپیل کریں گی۔ ممتا بنرجی ایک اعلیٰ سطحی تجارتی وفد کی بھی قیادت کررہی ہے۔ جس میں بنگال کے کئی صنعت کار شامل ہیں۔ وہ مدر ٹریسا کو ویٹیکن میں سنت قرار دیئے جانے کی تقریب میں حصہ لینے کے بعد سوموار کومیونخ پہنچی ہیں۔وزیراعلیٰ کے جرمن آٹو کمپنی بی ایم ڈبلو کے نمائندں کے ساتھ ملاقات کا بھی امکان ہے۔ مغربی بنگال کے وزیر مالیات امیت مترا اور کولکاتہ کے میئر شون چٹرجی بھی جرمنی میں ہیں۔ انہوں نے جرمن سرمایہ داروں اور صنعت کاروں کو تیسرے بنگال گلوبل بزنس سبمٹ میں شرکت کی دعوت دی ہے جو آئندہ سال 20 جنوری کو کولکاتہ میں منعقد ہونے والی ہے۔

About the author

Tariq Hasan