اردو | हिन्दी | English
273 Views
Sports

نرسنگھ یادو ڈوپنگ معاملہ میں جلد ہی رسمی تحقیقات شروع کر سکتی ہے سی بی آئی

narsingh
Written by Tariq Hasan

نئی دہلی، 20؍ستمبر (آئی این ایس انڈیا )سی بی آئی پہلوان نرسنگھ یادو کے مبینہ ڈوپنگ معاملہ میں باضابطہ تحقیقات شروع کرنے کے لیے تیار ہے، ساتھ ہی اس نے پیر کو دعوی کیا کہ اس نے اس سلسلے میں وزیر اعظم کے دفتر سے ملے دستاویزات اور شکایت کی جانچ پڑتال شروع کر دی ہے۔سی بی آئی ذرائع نے کہا کہ انہیں وزیر اعظم کے دفتر کے پرسنل اور ٹریننگ محکمہ کے ذریعے ایک ہدایت ملی ہے اور جلد ہی اس معاملے کی تحقیقات شروع کر دیں گے ۔ذرا ئع نے بتایا کہ وہ ہندوستانی کشتی فیڈریشن کی طرف سے دائر کی گئی شکایت کے دستاویزات کی جانچ کر رہے ہیں اور جلد ہی ابتدائی جانچ یا ایف آئی آر کے طور پر ایک رسمی تحقیقات شروع کی جائے گی۔ریو اولمپک کے دوران کھیل ثالثی نے گزشتہ ماہ یادو پر چار سال کی پابندی لگا دی تھی جس سے وہ کھیلوں میں حصہ نہیں لے پائے تھے، اس کے بعد ڈبلیوایف آئی نے اس معاملے کی سی بی آئی جانچ کا مطالبہ کیا تھا ۔

About the author

Tariq Hasan