اردو | हिन्दी | English
581 Views
Around the World

چین میں عمارت گرنے کے دوران باپ نے بیٹی کی جان بچاتے ہوئے اپنی جان گنوا دی

624033-image-1476199108-125-640x480
Written by Taasir Newspaper

Taasir International News Network | Updated 11 Oct 2016, 21:06 IST

بیجنگ: 

چین میں 6 منزلہ عمارت گرنے سے ہلاکتوں کی تعداد 22 ہوگئی جب کہ امدادی کارکنوں نے ایک دن بعد ملبے سے جب ایک شخص کی لاش نکالی تواس نے کمسن بیٹی کو اپنے سینے سے اس طرح لگایا ہوا تھا کہ اس کی جان بچ جائے اورقدرت کا کرشمہ دیکھیے کہ جب لاش نکالی گئی تو بچی زندہ حالت میں تھی۔

چین کے سرکاری ٹی وی کے مطابق صوبہ ژی جیانگ کے شہر ونزواہ میں 6 منزلہ عمارت گرنے سے 22 افراد ہلاک ہوگئے جب کہ ریسکیو ٹیموں نے ملبے سے 6 افراد کو بحفاظت نکال لیا جس میں ایک کمسن بچی بھی شامل ہے جسے اس کے والد نے اپنے سینے سے لگایا ہوا تھا۔ کمسن بچی کو ملبے سے نکالا گیا تو وہ خوفزدہ تھی جسے فوری طور پر اسپتال منتقل کردیا گیا۔

سرکاری ٹی وی کے مطابق 26 سالہ شخص کو ریسکیو آپریشن کے دوران جب  نکالا گیا تو اس کی بیٹی اس کے سینے سے لگی ہوئی تھی اوروہ جھکی ہوئی حالت میں تھا تاکہ ملبہ اس کی بیٹی پر نہ گرے اورجب عمارت گری تو مذکورہ شخص تو ہلاک ہوگیا لیکن اس کی بیٹی بچ گئی ۔ عمارت گرنے کی وجوہات اب تک معلوم نہیں ہوسکیں تاہم واقعے کی تحقیقات کا آغاز کردیا گیا ہے جب کہ کسی بھی نقصان کے پیش نظر متاثرہ عمارت سے ملحقہ دیگر خستہ حال عمارتوں کو بھی گرا دیا گیا ہے۔

About the author

Taasir Newspaper