اردو | हिन्दी | English
257 Views
Politics

کجریوال کی بیوی نے کپل مشرا کو سنائی کھری کھوٹی

sunita
Written by Taasir Newspaper

نئی دہلی، 15 مئی.(ابصار احمد صدیقی)دہلی کے وزیر اعلی اروند کیجریوال کی بیوی سنیتا کیجریوال نے پیر کو پارٹی سے معطل کئے گئے رہنما کپل مشرا کی تنقید کرتے ہوئے کہا کہ انہیں کیجریوال پر لگائے گئے جھوٹے الزامات کا خمیازہ بھگتنا پڑے گا. سنیتا نے ٹویٹ کر کہا، ” قدرت کا قانون کبھی غلط نہیں ہوتا. کپل نے دھوکہ اور جھوٹے الزام کے بیج بوئے ہیں، وہ ویسا ہی کاٹیں گے. ” سنیتا کیجریوال کا یہ بیان مشرا کے ان بیانات کے بعد آیا ہے، جن میں انہوں نے کہا تھا کہ عام آدمی پارٹی (عاپ) نے پارٹی کو دئے گئے چندوں اور جعلی کمپنیوں کے ذریعے کی گئی منی لاڈرگ کے بارے میں الیکشن کمیشن کو غلط معلومات دی. کپل مشرا نے اتوار کو الزام لگایا تھا کہ پارٹی نے کارکنوں اور حکومت سے تقریباً 36 کروڑ روپے چھپائے. عاپ نے ان الزامات کو بی جے پی کی سازش قرار دیا اور انہیں مسترد کرتے ہوئے کہا کہ بی جے پی کپل مشرا کے کندھے پر رکھ کر بندوق چلا رہی ہے. غور طلب ہے کہ کپل مشرا 10 مئی سے اپنے رہائش گاہ پر غیر معینہ بھوک ہڑتال پر ہیں. مشرا مطالبہ کر رہے ہیں کہ کیجریوال گزشتہ دو سالوں میں اپنے پانچ رہنماؤں سنجے سنگھ، آشیش کھیتان، راگھو چڈھا، ستیندر جین اور درگیش پاٹھک غیر ملکی دوروں کے اخراجات کا بیورا اجاگر کریں. کپل مشرا نے دہلی حکومت سے ہٹائے جانے کے ایک دن بعد سات مئی کو کیجریوال پر دہلی کے وزیر صحت ستیندر جین سے دو کروڑ روپے کی رشوت لینے کا الزام لگایا تھا. مشرا کو آٹھ مئی کو پارٹی سے معطل کر دیا گیا.

About the author

Taasir Newspaper