اردو | हिन्दी | English
190 Views
Sports

گیل کی فارم کے بارے میں فکر مند نہیں ہوں: کوہلی

کوہلی
Written by Taasir Newspaper

بنگلور18اپریل(آئی این ایس انڈیا)رائل چیلنجرز بنگلور کے کپتان وراٹ کوہلی نے آج کہا کہ کرس گیل کی فارم قابل تشویش نہیں ہے کیونکہ انہیں لگتا ہے کہ جمیکا کا یہ ا سٹار بڑی اننگز کھیلنے سے محض ایک اننگز دور ہے۔گیل نے رائل چیلنجرز بنگلور کے لیے پہلے دو میچوں میں 01اور صفر رنز بنائے ہیں لیکن اگر آئی سی سی ورلڈ ٹی 20کو دیکھا جائے تو وہ مسلسل پانچ میچوں میں ڈبل پوائنٹس کا اسکور بنانے میں ناکام رہے ہیں۔کوہلی نے دہلی ڈیر ڈیولس کے ہاتھوں اپنی ٹیم کو ملی سات وکٹ کی شکست کے بعد صحافیوں سے کہا کہ مجھے یقین ہے کہ وہ ٹورنامنٹ میں کسی بھی وقت اچھی اننگز کھیلے گا،شاید جب ہمیں سب سے زیادہ ضرور ت ہو تو وہ ہمار ے لئے سنچر ی مارے گا، میں گیل کے بارے میں زیادہ فکر مند نہیں ہوں کیونکہ دوسرے کھلاڑی بھی اچھی کارکردگی کر رہے ہیں،کرکٹ صرف موقع حاصل کرنے کا کھیل ہے۔ٹیم کیلئے گیل کوبہترین کھلاڑی قرار دیتے ہوئے کوہلی نے کہا کہ ویسٹ انڈیز کا یہ ا سٹار اپنے ٹی 20میچوں کے کیریئر میں جو 17سنچری لگائی، وہ کوئی مذاق نہیں ہے۔انہوں نے کہا کہ کرس رائل چیلنجرز بنگلور کے لیے کھیلتے ہوئے بہت فخر محسوس کرتا ہے،وہ ہمارے لیے بہترین کھلاڑی رہا ہے،مجھے لگتا ہے کہ لوگ ہر میچ میں اس سے کافی امیدیں رکھتے ہیں کیونکہ وہ بہت اچھا کھیلتا ہے اور اس نے 17سنچری لگائی ہیں جس میں کوئی مذاق نہیں ہے،اس لئے اس سے کافی امیدیں ہیں اور گیل ان پر کھرا اترنا چاہتا ہے۔گیل کی ناکامی کے باوجود ٹیم نے پہلے میچ میں 227رنز بنائے اور پھر اگلے ہی میچ میں تقریبا 200:191کا اسکور کھڑا کیا۔

About the author

Taasir Newspaper