فن فنکار

بالی وڈ میں موسیقی کا معیار زوال پذیر ہے:جاوید اختر

Written by Dr.Mohammad Gauhar

کولکتہ ،۹۲نومبر(پی ایس آئی) فلم انڈسٹری کے کامیاب گیت نگار اور ادیب جاوید اختر کا کہنا ہے کہ بالی وڈ انڈسٹری میں موسیقی کا معیار نمایاں طور پر گرا ہے جو ہمارے معاشرے کا عکاس ہے۔ انہوں نے کہا کہ فلمیں ہمارے سماج کا ایک حصہ ہوتی ہیں اس لئے ان میں جو دکھایا جاتا ہے وہ آئنہ ہوتا ہے۔ انہوں نے کہا کہ وقت کے ساتھ ساتھ جہاں اخلاقیات کے اور بہت سے معیارات میں تبدیلیاں آئیں وہاں بالی وڈ کی موسیقی کا معیار پہلے جیسا نہیں رہا بلکہ گر گیا ہے۔ انہوں نے کہا کہ آج کے مادہ پرستی کے دور میں ہم نے موسیقی‘ شاعری ‘ ادب اور فنون لطیفہ کو کہیں بہت پیچھے چھوڑ دیا ہے۔ ہمارے بچے اب گھروں یا سکولوں میں فنون لطیفہ ‘ ادب ‘ شاعری یا موسیقی سے نابلد ہوتے ہیں اور جب یہی بچے بڑے ہوتے ہیں تو یہ اشیاءان کے لئے اجنبی ہوتی ہیں اس لئے ان سے ان اشیاءکی خدمت کی توقع رکھنا عبث ہے اور غلط ہے۔ انہوں نے کہا کہ ہمارے الفاظ کا ذخیرہ کم ہو رہا ہے اور ہماری گرامر زوال پذیر ہے۔

About the author

Dr.Mohammad Gauhar

Chief Editor - Taasir