فن فنکار

داو¿د ابراہیم کی فیملی کو دیکھ کر شردھا پریشان

Written by Dr.Mohammad Gauhar

ممبئی،18نومبر(پی ایس آئی)بولی وڈ اداکارہ شردھا کپور ا±س وقت حیران پریشان رہ گئیں جب اپنی نئی فلم ‘حسینہ’ کی شوٹنگ کے دوران وہاں اچانک انڈرورلڈ کے ڈان داو¿د ابراہیم کے خاندان کے افراد آں پہنچے۔ہندوستان ٹائمز کی ایک رپورٹ کے مطابق ممبئی کے محبوب اسٹوڈیوز میں داو¿د ابراہیم کی بہن حسینہ پارکر کی سوانح حیات پر مبنی فلم ‘حسینہ’ کی شوٹنگ جاری تھی کہ وہاں حسینہ پارکر اور ان کے بچے بھی آگئے۔فلم کے عملے کے ذرائع کے مطابق، ‘حیسنہ پارکر اپنے 3 بچوں علیشاہ، عمیریہ اور خوشیاں اور بھائی سمیر انتولے کے ساتھ وہاں آئیں، ابتداءمیں شردھا اور فلم کی باقی کاسٹ کچھ گھبرا گئی لیکن جلد ہی صورتحال معمول پر آگئی’۔ذرائع نے مزید بتایا کہ ‘حسینہ کے اہل خانہ کو فلم کی شوٹنگ دیکھ کر بہت مزہ آیا، وہ اپنے ساتھ حسینہ کی ذاتی اشیاءبھی لے کر آئے، ان کا چشمہ، ناک میں پہننے والی بالی اور ان کی پسندیدہ لپ اسٹک بھی، جو انھوں نے شردھا کپور کو دیں’۔انکور بھاٹیہ فلم ‘حسینہ’ میں شردھا کپور کے شوہر کا کردار کر رہے ہیں۔واضح رہے کہ حسینہ پارکر پر بننے والی فلم میں شردھا کپور مرکزی کردار ادا کر رہی ہیں، جبکہ انکور بھاٹیہ شردھا کے شوہر کا کردار ادا کریں گے، شردھا کے بھائی سدھانت داو¿د ابراہیم بنیں گے، فلم کی ہدایات اپوروا لاکھیا دے رہے ہیں۔اس فلم میں ’حسینہ پارکر‘ کا کردار پہلے دبنگ اداکارہ سوناکشی سنہا کو آفر کیا گیا تھا جو انھوں نے قبول بھی کرلیا تھا، تاہم بعدازاں سوناکشی کے مصروف شیڈول کے باعث یہ فلم شردہا کے حصے میں آگئی۔اس موقع پر انکور بھاٹیہ کا کہنا تھا، ‘حسینہ پارکر کے بچوں سے ملاقات میرے لیے بہت شاندار تجربہ تھا، میری ا±ن سے اس سے قبل ملاقات نہیں ہوئی تھی، انھوں نے مجھے اپنے والد کی کچھ پرانی تصویریں دکھائیں اور کچھ ٹپس بھی دیں جو حسینہ پارکر کے شوہر کا کردار کرنے کے سلسلے میں میرے لیے مددگار ثابت ہوں گی’۔

About the author

Dr.Mohammad Gauhar

Chief Editor - Taasir