فن فنکار

ڈر لگے گا اگر میری بیٹی اداکارہ بننا چاہے:شاہد کپور

Written by Dr.Mohammad Gauhar

ممبئی ۔8نومبر(ےواین این)اکثر افراد کی خواہش ہوتی ہے کہ ان کی اولاد اسی شعبے میں ان سے زیادہ شہرت اور کامیابی حاصل کرے جس کا وہ حصہ ہوں، تاہم بولی وڈ اداکار شاہد کپور ایسا نہیں چاہتے۔انڈین ایکسپریس کی ایک رپورٹ کے مطابق شاہد کپور سے سوال کیا گیا کہ اگر ان کی بیٹی بھی اداکار بننا چاہیں تو ان کا کیا ردعمل ہوگا؟ جس پر ان کا کہنا تھا کہ ‘مجھے سوچ کر بھی ڈر لگے گا اگر میری بیٹی میرے پاس آئے اور کہے کہ وہ ایک اداکارہ بننا چاہتی ہے، یہ ایک بہت مشکل کام ہے۔واضح رہے کہ شاہد کپور نے 2015 میں دہلی کی میرا راجپوت سے شادی کی تھی۔ان کے گھر اگست میں پہلی بچی کی پیدائش ہوئی، جس کا نام اداکار نے میشا رکھا۔35 سالہ شاہد کپور نے ایک ڈانسر کی حیثیت سے 1997 میں دل تو پاگل ہے، کے ذریعے بولی وڈ میں ڈیبیو کیا تھا، تاہم انہیں بطور ہیرو پہلی فلم میں کام کرنے کا موقع 2003 میں عشق وشق میں ملا، جس کے بعد فدا، دیوانے ہوئے پاگل، 36 چائنا ٹاﺅن، ویوہ، جب وی میٹ، کمینے، حیدر اور اڑتا پنجاب جیسی ہٹ فلمیں بھی دیں۔شاہد کپور اس وقت اپنی اگلی فلم”پدماوتی“ کی شوٹنگ میں مصروف ہیں، جس میں ان کے ہمراہ اداکار رنویر سنگھ اور دپیکا پڈوکون اہم کردار ادا کرتے نظر آئیں گے، اس فلم کی ہدایات بولی وڈ معروف ہدایت کار سنجے لیلا بھنسالی دے رہے ہیں۔

About the author

Dr.Mohammad Gauhar

Chief Editor - Taasir