اردو | हिन्दी | English
700 Views
Entertainment

عامر خان کی امیدوں پر پانی پھرگیا

Bollywood actor Aamir Khan attends a trailer launch of his film Dhoom 3 in Mumbai, India, Wednesday, Oct. 30, 2013. Dhoom 3 is a Hindu action thriller film that will be released on Dec. 20. (AP Photo/Rajanish Kakade)
Written by Tariq Hasan

واشنگٹن ،۷۲دسمبر(پی ایس آئی) بالی ووڈ کے مسٹر پرفیکٹ عامر خان کی امیدوں پر پانی پھرگیا اور ان کی فلم ’دنگل‘امریکہ میں باکس آفس پر ’پی کے ‘ اور ’باہوبلی‘ کا ریکارڈ توڑنے میں ناکام رہی ، پہلے دن دولاکھ بیاسی ہزار دوسواسی ڈالر کا بزنس کیا۔انٹرنیشنل بزنس ٹائمز کے مطابق عامر خان کی ہندی فلم دنگل نے امریکی باکس آفس پر شاندارطریقے سے اپناآغاز کیا لیکن پی کے اور باہوبلی کی ریلیز کے ابتدائی ریکارڈ توڑنے میں ناکام رہی حالانکہ عامر خان امریکہ میں معروف بالی ووڈاداکاروں میں سے ایک ہیں، کرسمس کی وجہ سے دنگل کے ڈسٹری بیوٹرز نے بھی فلم کی ریلیز کے موقع پر ملک بھر میں وسیع انتظامات کیے تھے اور سکریننگ کیلئے کئی تھیٹرز بک کرالیے تھے۔فلم ’پی کے‘ 280سینماگھروں میں ریلیز کیساتھ عامر خان کی سب سے بڑی ریلیز ہونیوالی فلم تھی اور اب دنگل نے سکریننگ کا ریکارڈ توڑ دیا اور 330سینماءگھروں میں سکرین ہوئی اور یہ امریکہ میں سب سے بڑی ریلیز ہی قرارپائی۔ اس سے پہلے رنویرسنگھ کی فلم باجی رآمستانی 300سکرینوں پرریلیز ہوئی تھی۔یہاں یہ امر بھی قابل ذکر ہے کہ دنگل پہلے دن کے کاروبار میں دولاکھ بیاسی ہزار دوسواسی ڈالرتک محدود رہی جبکہ عامر خان کی ہی فلم ’پی کے‘ نے ایک دن میں دس لاکھ ڈالر (ایک ملین ڈالر) کا کاروبار کیاتھاجبکہ باہوبلی نے پی کے سے بھی 10ہزار ڈالر زیادہ کا بزنس کیاتھا۔

About the author

Tariq Hasan