اردو | हिन्दी | English
508 Views
Politics

امت شاہ نے مہاتما گاندھی کو چالاک بنیا بتایا

amit
Written by Taasir Newspaper

رائے پور، 10 جون (پی ایس آئی)بی جے پی کے قومی صدر امت شاہ نے چھتیس گڑھ کے رائے پور میں ایک پروگرام سے خطاب کرتے ہوئے کانگریس کا ذکر کیا جس میں انہوں نے مہاتما گاندھی کو ایک چالاک بنیا بتایا. انہوں نے پارٹی کارکنوں کے سامنے ریاست اسمبلی انتخابات میں 65 سیٹیں جیتنے کا ہدف رکھا ہے. شاہ نے کہا کہ کانگریس کسی ایک نظریہ کی بنیاد پر کسی ایک اصول کی بنیاد پر بنی ہوئی پارٹی ہی نہیں ہے، وہ آزادی حاصل کرنے کا ایک خصوصی پرپز وہیکل ہے، آزادی حاصل کرنے کا ایک ذریعہ تھا اور اس وجہ سے مہاتما گاندھی نے بصیرت کے ساتھ ، بہت چالاک بنیا تھا وہ، اس کو معلوم تھا کہ آگے کیا ہونے والا ہے، اس نے آزادی کے بعد فوری طور پر کہا تھا، کانگریس کو بکھیر دینا چاہئے. مہاتما گاندھی نے کانگریس کو ختم کرنے کا کام نہیں کیا، لیکن اب کچھ لوگ اس کو بکھیرنے کا کام کر رہے ہیں. انہوں نے کہا اسی لئے مہاتما گاندھی نے کہا تھا کہ کیونکہ کانگریس کا کوئی نظریہ ہی نہیں ہے، ملک چلانے کا، حکومت چلانے کا کوئی اصول ہی نہیں تھے. شاہ نے کہا کہ ہم اپنے نظریات کو لے کر واضح ہیں اور ہم لوگوں کے لئے صاف ہے کہ جو غدار نعرے لگائے گا وہ غدار کہلایا جائے گا. ملک کی 1650 سیاسی جماعتوں میں سے صرف بی جے پی اور سی پی ایم کی اندرونی جمہوریت ہے. انہوں نے مثال دیتے ہوئے کہا کہ کانگریس میں اگر سونیا گاندھی صدر کا عہدے چھوڑتی ہیں تو راہل گاندھی کو وہ جگہ دی جائے گی لیکن کوئی نہیں جانتا کہ بی جے پی کا اگلا صدر کون ہوگا. امت شاہ تین دن کے چھتیس گڑھ دورے پر ہیں.

About the author

Taasir Newspaper