انگلینڈ کے خلاف مضبوط آغاز کرے گی ٹیم متالی

ڈربی، 23 جون (یو این آئی) تجربہ کار کپتان متالی راج کی قیادت میں ہندستانی خاتون کرکٹ ٹیم یہاں آئی سی سی ورلڈ کپ میں میزبان انگلینڈ کے خلاف ہفتہ کو اپنے پہلے مقابلے میں جیت کے آغاز کے مقصد کے ساتھ اترے گی۔ہندستانی ٹیم نے عالمی کپ سے پہلے پریکٹس میچوں میں تسلی بخش کارکردگی کا مظاہرہ کیا اور سری لنکا کے خلاف 109 رن کی اہم جیت درج کی تھی۔اگرچہ دوسرے میچ میں اسے نیوزی لینڈ نے شکست دی تھی۔اس سے پہلے چار ملکی سیریز میں بھی ہندوستانی کھلاڑیوں کی کارکردگی اچھی رہی تھی جہاں اس نے جنوبی افریقہ کو آٹھ وکٹ سے فائنل میں شکست دی تھی۔تجربہ کار بلے باز متالی کی قیادت میں ٹیم یہاں پورے اعتماد کے ساتھ اترے گی جہاں اس کے سامنے پہلا ہی چیلنج خطاب کی دعویدار مانی جا رہی انگلش ٹیم سے ہوگا۔ اگرچہ ہندستانی ٹیم کے پاس بہترین کھلاڑیوں کا اچھا تال میل موجود ہے جس میں حال میں اپنے 100 ون ڈے پورے کرنے والی متالی، پونم راوت، سمرتی مدھانا نے بہترین رن رنز بنائے ہیں۔اسٹار بلے باز متالی انگلینڈ کے خلاف اپنی موجودہ تال کو برقرار رکھنے کی کوشش کریں گی جنہوں نے حال میں مسلسل چھ نصف سنچری بنانے کا ریکارڈ قائم کیا ہے ۔ساتھ ہی چار ممالک کی سیریز میں دیپتی اور پونم کی آئر لینڈ کے خلاف ریکارڈ 320 رنز کی شراکت کو بھی بھلایا نہیں جا سکتا ہے جو خواتین کرکٹ تاریخ میں ہی پہلی 300 سے زائد رنز کی شراکت تھی۔مدھانا سے بھی اچھے کھیل کی امید کی جا سکتی ہے جو حال میں چوٹ سے نجات حاصل کر کے واپسی کر رہی ہیں وہیں ھرمن پریت کور بھی مضبوط کھلاڑی ہیں۔گیند بازوں میں سری لنکا کے خلاف پریکٹس میچ میں چار وکٹ نکالنے والی راجیشوري گایکواڑ، شکھا پانڈے ، ایکتا بشٹ، مانسی جوشی پر ٹیم کی نگاہیں رہیں گی جبکہ بولنگ اٹیک کی ذمہ داری جھولن گوسوامی پر رہے گی۔جھولن نے حال ہی میں ون ڈے کرکٹ میں سب سے زیادہ وکٹ لینے والی بولر بننے کا اعزاز حاصل کیا ہے اور تجربے کے لحاظ سے بھی انگلینڈ میں ان کی خاص ذمہ داری رہے گی۔وہیں ایکتا پر اسپن شعبے کی ذمہ داری ہوگی۔میچ سے قبل کپتان متالی نے مانا کہ انگلینڈ کو اسی کی زمین پر شکست دینے کے لیے ہندستانی ٹیم کو اپنی طرف سے پورا زور لگانا ہوگا۔انہوں نے کہا کہ کھلاڑی جنوبی افریقہ میں کھیل کر یہاں پہنچی ہیں اور انگلینڈ کے حالات بالکل مختلف ہیں اس لئے اس کنڈیشنز میں ڈھلنے کیلئے محنت کرنی پڑے گی۔سال 2005 کی رنر اپ ٹیم رہی ہندستان کو اس بار عالمی کپ کے لیے راست کوالیفکیشن نہیں ملا جس سے اسے کوالیفائنگ میں پسینہ بہانا پڑا ہے ۔دراصل پاکستان سے آئی سی سی چمپئن شپ نہیں کھیلنے پر اس راست چھ پوائنٹس کا نقصان ہوا تھا۔لیکن سری لنکامیں ہوئے کوالیفائنگ میں اس نے کمال کا کھیل دکھایا اور فائنل میں جنوبی افریقہ پر جیت درج کی۔ٹیم انڈیا اعتماد سے بھی لبریز ہے جس نے سری لنکا، ویسٹ انڈیز اور جنوبی افریقہ کو اپنے آخری ون ڈے میچوں میں شکست دی ہے ۔اگرچہ دو بار کی چمپئن انگلینڈ اس وقت اپنے گھر میں ہی کھیل رہی ہے اور اس نے دو بار عالمی کپ کی میزبانی میں دونوں بار خطاب پر قبضہ کیا ہے ۔ انگلینڈ کے لیے سارہ ٹیلر، کپتان ھیتھر نائٹ، کیتھرین برٹ اور نیٹ شور جیسی کھلاڑی اہم ہوں گی۔