فن فنکار

سلمان خان پڑوسیوں سے پریشان

Profile photo of Dr.Mohammad Gauhar
Written by Dr.Mohammad Gauhar

ممبئی،۵۲اگست(پی ایس آئی) ٹی وی کے مقبول ترین شو بگ باس سیزن 11 کا نیا پرومو جاری کردیا ہے جس میں بالی ووڈ اداکار سلمان خان کو پڑوسیوں اور پڑوسیوں کو سلمان خان سے پریشان دکھایا گیا ہے۔بالی ووڈ کے دبنگ اداکار سلمان خان کے دبنگ شو باگ باس کا انتظار شائقین کو بھی شدت سے رہتا ہے اور اب شائقین کا یہ انتظار ختم ہوگیا بگ باس سیزن 11 کا پرومو جاری کردیا گیا ہےجس میں سلمان ہمیشہ کی طرح انرجی سے بھرپور شرارتیں کرتے ہوئے نظرآرہے ہیں۔بگ باس کے ہر سیزن میں شائقین کی دلچسپی کیلئے ہربار کچھ نہ کچھ نیا موضوع رکھا جاتا ہے ، مثلاً گزشتہ سیزن میں ایروپلین، جنت جہنم وغیرہ دکھایا گیا تھا جسے شائقین کی جانب سے بے حد پزیرائی حاصل ہوئی تھی اوراب بگ باس کا نیا موضوع پڑوسی اور پڑوسیوں سے ہونے والی پریشانیاں ہیں ، موضوع کی مناسبت سےسلمان خان پرومو میں اپنے پڑوسیوں کو پریشان کرتے اور خود ان سے پریشان ہوتے ہوئے نظر آرہے ہیں۔ سلمان خان پریشان انداز میں کہہ رہے ہیں کہ میں نے اپنے پڑوسی سے کیا مانگا؟پیار مانگا صرف پیار ، سلمان کی جانب سے ادا کی گئی اس لائن سے صاف ظاہر ہے کہ اس بار بگ باس میں ان لوگوں کی مشکلات دکھائی جائیں گی جو اپنے پڑوسیوں سے تنگ ہیں۔واضح رہے کہ سلمان خان بگ باس کی میزبانی گزشتہ 8 سیزن سے کرتے آرہے ہیں،جب کہ 11 ویں سیزن میں یوٹیوب اسٹار ڈھنچک پوجا، مشہور فلم ’کچھ کچھ ہوتا ہے‘ میں شاہ رخ خان کی بیٹی کا کردار ادا کرنے والی ثنا سعید اور ٹی وی اداکارہ نیاشرما وغیرہ شامل ہیں۔

About the author

Profile photo of Dr.Mohammad Gauhar

Dr.Mohammad Gauhar

Chief Editor - Taasir

Skip to toolbar