اردو | हिन्दी | English
9430 Views
Technology

فیس بک نے بازار فیچر متعارف کرا دیا

facebook market
Written by Taasir Newspaper
Taasir Urdu News | Uploaded on 26-Aug-2017

 واشنگٹن: فیس بُک نے یورپ کے 17 ممالک میں ’مارکیٹ پلیس‘ کی سہولیات متعارف کرا دی ہیں جس کے تحت لوگ اپنے قریبی علاقے میں اشیا کی خریدوفروخت کر سکیں گے۔ 

تجزیہ کاروں کے مطابق یہ کریگ لسٹ کی طرح کی ایک سروس ہے جہاں لوگ اپنی اشیا فروخت اور خرید سکیں گے خواہ وہ پرانی اور غیر معیاری اشیا ہی کیوں نہ ہوں۔ واضح رہے کہ فیس بُک مارکیٹ پلیس کا اعلان سب سے پہلے 2016 کے اینڈروئڈ پلیٹ فارم پر کیا گیا تھا تاہم یورپ میں اسے فیس بُک ایپ کے ساتھ ساتھ فیس بک کی ڈیسک ٹاپ ورژن کے لیے بھی پیش کیا جا رہا ہے۔

اب یہ سروس آسٹریا، بیلجیئم، چیک ری پبلک، ڈنمارک، فِن لینڈ، فرانس، جرمنی، ہنگری، آئرلینڈ، اٹلی، لگسمبرگ، ہالینڈ، ناروے، پرتگال، اسپین، سویڈن، اور سوئزرلینڈ کے لیے پیش کی گئی ہے۔ تاہم اسے آسٹریلیا، کینیڈا، چلی، میکسکو، نیوزی لینڈ، اور برطانیہ میں پہلے ہی ریلیز کیا جا چکا ہے۔

About the author

Taasir Newspaper