کٹرینہ نے عالیہ بھٹ کو اپنی بہترین دوست قرار دے دیا

0
59

ممبئی،۸دسمبر(پی ایس آئی)ایک طرف بالی وڈ انڈسٹری کے بارے میں کہا جاتا ہے کہ یہاں اداکاروں کے درمیان دوستی کم اور مقابلہ و موازنہ زیادہ ہوتا ہے، خصوصاً اداکاراو¿ں کے درمیان تو دوستی بہت کم دیکھی جاتی ہے، وہیں خوبرو اداکارہ کترینہ کیف نے عالیہ بھٹ کو اپنی بہترین دوست قرار دے دیا۔گزشتہ کافی عرصہ سے کترینہ اور عالیہ کے درمیان دوستی دیکھی جا رہی ہے اور جس تقریب میں کترینہ ہوتی ہیں، وہیں عالیہ بھٹ بھی ان کے ساتھ نظر آتی ہیں۔دونوں اداکارائیں گزشتہ کئی دنوں سے اپنے انسٹاگرام پر بھی ایک دوسرے کی تصاویر پوسٹ کر رہی ہیں اور ساتھ ہی ایک دوسرے کے ساتھ وقت گزارنے پر خوشی کا اظہار بھی کیا جارہا ہے۔حال ہی میں کترینہ کیف نے اپنی ایک انسٹاگرام پوسٹ میں عالیہ اور اپنی ایک تصویر مداحوں سے شیئر کی، جس میں دیکھا جا سکتا ہے کہ دونوں حسیناو¿ں نے ایک جیسے رنگ کا لباس زیب تن کیا ہوا ہے، ساتھ ہی کترینہ نے عالیہ بھٹ کو اپنی بہترین دوست بھی قرار دے دیا۔اس سے قبل بھی دیکھا گیا ہے کہ جو تصاویر کترینہ اپنے انسٹاگرام پر شیئر کرتی ہیں وہی عالیہ بھی شیئر کرتی ہیں۔دونوں کی دوستی کا عالم یہ ہے کہ جِم اور دیگر سرگرمیاں بھی ایک ساتھ انجام دے رہی ہیں۔ہماری تو دعا ہے کہ کترینہ اور عالیہ کی دوستی سدا قائم رہے۔