پاکستان کی یمن سے سعودی عرب پر میزائل حملے کی شدید مذمت

اسلام آباد20 دسمبر (آئی این ایس انڈیا )پاکستان کی طرف سے سے سعودی عرب پر یمنی باغی حوثیوں کی طرف سے داغے گئے میزائل حملے کی شدید الفاظ میں مذمت کی گئی ہے۔گزشتہ روز یمن سے سعودی عرب پر ایک بار پھر میزائل حملہ کیا گیا تھا مگر عرب اتحادی افواج کی بروقت کارروائی سے میزائل کو فضا میں ہی تباہ کر دیا تھا، جس سے کسی قسم کا کوئی جانی یا مادی نقصان نہیں ہوا۔گزشتہ ماہ سے اب تک یمن سے حوثی باغیوں کی جانب سے سعودی عرب پر یہ تیسرا بڑا حملہ ہے جسے عرب اتحادی افوا ج کی مدد سے ناکام بنا دیا گیا ہے۔ترجمان دفتر خارجہ نے واضح کیا کہ ہم ان حملوں کی پر زور مذمت کرتے ہیں اور حرمین الشریفین کی حفاظت کےلیے ہمہ وقت سعودی عرب کے شانہ بشانہ کھڑے ہیں۔