کانگریس کا دہشت گردی کے لیے قطرکی مالی معاونت سے نمٹنے پر زور

واشنگٹن22 دسمبر (آئی این ایس انڈیا )امریکی کانگریس کے ارکان نے صدر ڈونلڈ ٹرمپ کی انتظامیہ سے مطالبہ کیا ہے کہ وہ قطر کی دہشت گردی کی مالی معاونت کے معاملے سے سنجیدگی سے نمٹے۔اخبار واشنگٹن پوسٹ کے مطابق کانگریس کے ارکان کا کہنا ہے کہ قطر اور امریکی وزراءخارجہ کے درمیان حال ہی میں طے پائے سمجھوتے میں شفافیت کا فقدان ہے۔ اسے منظرعام پر لایا جانا چاہئے ۔ خیال رہے کہ قطر اور امریکہ کے درمیان طے پائے سمجھوتے کے چھ ماہ کے بعد کانگریس نے اس پر شکوک وشبہات کا اظہار کیا ہے۔امریکی وزارت خارجہ نے دونوں ملکوں کے درمیان طے پانے والے سجھوتے کو صیغہ راز میں رکھا ہوا ہے۔