سیاست سیاست

شراب بندی کی آڑ میں دلتوں اور پسماندہ طبقات کا استحصال: تیجسوی یادو

Written by Taasir Newspaper

Taasir Urdu News Network | Uploaded on 29-May-2018

پٹنہ۔  بہار کے سابق نائب وزیر اعلی تیجسوی پرساد یادو نے شراب بندی کے معاملے  پر ریاست کی نتیش حکومت کو ایک بار پھر محاصرے میں لیتے ہوئے آج کہا کہ حکومت کے لئے شراب بندی صرف دلتوں اور پسماندہ طبقات کا استحصال کرنے کا ہتھیار بن گئی ہے۔ یادو نے مائیکرو بلاگنگ سائٹ ٹوئٹر پر لکھا ’’نتیش حکومت کے لئے شراب بندی صرف دلتوں اور پسماندہ طبقات کے لوگوں کے استحصال کا ذریعہ بن گئی  ہے۔

شراب بندی کے معاملوں میں گرفتار کئے گئے لوگوں کے اعداد و شمار سے یہ بات زیادہ واضح ہو جاتی ہے کہ اس معاملے میں صرف دلتوں اور پسماندہ طبقات کو نشانہ بنایا جارہا ہے۔ انہوں نے سوالیہ لہجے میں کہا کہ کیوں ایسے معاملوں میں شراب مافیا اور سینیئر پولیس افسران کو سزا نہیں دی جا رہی ہے۔

قابل ذکر بات یہ ہے کہ اپنے والد اور راشٹریہ جنتا دل (آر جے ڈی) کے سربراہ لالو پرساد یادو کی طرح ہی تیجسوی یادو سوشل میڈیا کے ذریعے کسی بھی معاملے پر اپنی بے باک رائے رکھتے ہیں اور وزیر اعلی نتیش کمار اور وزیر اعظم نریندر مودی سمیت بھارتیہ جنتا پارٹی (بی جے پی) کے رہنماؤں پر مسلسل حملہ کرتے رہتے ہیں۔

 

About the author

Taasir Newspaper