Taasir Urdu News Network | Uploaded on 08-May-2018
ریاست میں ہوئی اس طرح کے واقعے کے بعد وزیر اعلی محبوبہ مفتی نے اسپتال جاکر مہلوک کے اہل خانہ سے ملاقات کر کے ان سے ہمدردی کا اظہار کیا۔اور تسلی دی۔اہل خانہ سے ملنے کے بعد سی ایم محبوبہ مفتی نے کہا کہ یہ بہت ہی غم کی بات ہے ہے ۔میرا سر شرم سے جھک گیا ہے۔
جموں کشمیر میں جاری احتجاجی مظاہروں کا اب سیاحوں پر بھی شکار ہونے لگاہے۔وسطی کشمیر کے ضلع بڈگام کے ناربل میں گلمرگ روڑ پر پیر کے روز پتھراؤ کے ایک واقعہ میں جنوبی بھارت کے شہر چنئی سے تعلق رکھنے والے ایک 22 سالہ سیاح کی موت ہو گئی۔
سرکاری ذرائع نے واقعہ کی تصدیق کرتے ہوئے کہا کہ اس سلسلے میں پولیس تھانہ ناربل میں ایف آئی آر زیر نمبر 57 درج کی گئی ہے۔ پولیس نے تفصیلات فراہم کرتے ہوئے کہا ’معلوم ہوا کہ ناربل میں پیر کے روز 5 سے 7 افراد کے ایک گروپ نے گلمرگ روڑ پر چلنے والی گاڑیوں پر پتھراؤ کیا‘۔ انہوں نے کہا ’22 سالہ آر تھرومنی ولد راجاویل ساکنہ چنئی سر اور چہرے پر پتھر لگنے سے زخمی ہوا‘۔ پولیس نے بتایا کہ زخمی سیاح کو سری نگر کے شیر کشمیر انسٹی چیوٹ آف میڈیکل سائنسز لے جایا گیا لیکن وہ جانبر نہ ہوسکا۔