چدمبرم نے کہا ’’پرنب مکھرجی آرایس ایس کے پروگرام میں انہیں بتائیں کہ ان کے نظریے میں کیا غلط ہے‘‘۔

دوسری جانب پارٹی ترجمان آرپی این سنگھ نے اس معاملے پر کوئی بھی تبصرہ کرنے سے انکار کردیا۔ مکھرجی کے آرایس ایس کے دعوت نامہ قبول کئے جانے کو لے کر سابق مرکزی وزیر سی کے جعفر شریف اور کانگریس کے کچھ  دیگر لیڈروں نے سوال کھڑے کئے ہیں۔

غور طلب ہے کہ آرایس ایس نے پرنب مکھرجی کو 7 جون کو ہونے والے اپنے آرایس ایس تعلیمی سیشن کے تیسرے سالانہ اجلاس کے لئے بطور مہمان خصوص مدعو کیا ہے، جسے پرنب دا نے قبول بھی کرلیا ہے۔ واضح رہے کی کیرل اسمبلی کے اپوزیشن لیڈر اور سینئر کانگریسی لیڈر رمیش چنّی تھالا نے سابق صدر جمہوریہ کے آرایس ایس کے پروگرام میں جانے کو لے کر حیرانی کااظہار کیا ہے۔ انہوں نے اس متعلق پرنب مکھرجی کو خط لکھ کر کہا ہے اس فیصلے سے سیکولر لوگوں کو زبردست جھٹکا لگا ہے۔ انہوں نے سابق صدر کو ناگپور میں جون کے پہلے ہفتہ میں ہونے والے اس پروگرام میں نہ جانے کا مشورہ دیا ہے۔