Taasir Urdu News Network | Uploaded on 24-May-2018
ممبئی میں 26/11 کو ہوئے دہشت گردانہ حملہ کے ماسٹر مائنڈ اور جماعت الدعویٰ کے سربراہ حافظ سیعد کے خلاف کاروائی کو لے کر بڑھتے دباو کے درمیان چین نے پاکستان سے اسے دوسرے ملک بھیجنے کو کہا ہے ۔ انگریزی اخبار ’’دی ہندو‘‘ میں شائع ہوئی ایک خبر کے مطابق ، چین کے صدر شی جن پنگ نے پاکستانی وزیراعظم شاہد خاقان عباسی سے کچھ ایسے راستے تلاش کرنے کو کہا ہے ، جس سے ’’ سعید کسی مغربی ایشیائی ملک میں سکون کی زندگی گزار سکے‘‘۔
اخبار کے مطابق ، عباسی کے ایک قریبی معاون نے نام نہ ظاہر کرنے کی شرط پر انہیں بتایا کہ ’’ چین میں بی او اے او فورم سے ہٹ کر دونوں رہنماوں کے درمیان تقریباََ 35 منٹ ہوئی ملاقات میں قریب 10 منٹ تک حافظ سعید پر ہی بات ہوتی رہی ۔ چین کے صدر نے اس دوران پاکستانی پی ایم سے سعید کو سرخیوں سے دور کرنے کے لئے جلد اس کا حل نکالنے کو کہا۔