کرناٹک لائیو: جے ڈی ایس کو ستا رہا ہے اراکین اسمبلی کے تحفظ کا ڈر،چندربابو۔کے سی آر نے دیا ‘پناہ’کا آفر

Taasir Urdu News Network | Uploaded on 17-May-2018

کرناٹک کی کمان یدیورپا کے ہاتھوں میں آتے ہی اب کانگریس اور جے ڈی ایس کو اپنے اراکین اسمبلی کی سکیورٹی کی فکر ستانے لگی ہے۔خبر ہے کہ دونوں پارٹیاں اپنے اراکین اسمبلی کو اینگلٹ ریزارٹ سے کسی دوسری جگہ شفٹ کرنے کی سوچ رہی ہیں۔اس درمیان آندھرا پردیش کے سی ایم چندر بابو نائیڈو نے ان کے اراکین اسمبلی کو وشاکھہ پٹنم ،جبکہ تلنگانہ کے سی ایم کے چندر شیکھر راؤ نے انہیں حیدرآباد میں پناہ دینے کا آفر دیا ہے۔ادھر ذرائع کے مطابق ،کانگری اپنے اراکین اسمبلی کو کیرالہ شفٹ کرنے جا رہی ہے۔وہاں کی حکومت نے انہیں سکیورٹی کا بھروسہ دیا ہے۔

بی ایس یدیو رپا نے آج کرناٹک کے 23 ویں وزیر اعلی  کے طور پرعہدے کا حلف لیا۔راج بھون میں منعقد تقریب میں گورنر وجوبھائی والا نے انہیں حلف دلایا۔وہ تیسری بار وزیر اعلی کے عہدہ کی کمان سنبھال رہے ہیں۔ یہاں دیکھنے والی بات یہ بھی تھی کہ یدیو رپا کے ساتھ کسی دیگر لیڈر نے وزیر عہدے کی فی الحال حلف نہیں لیا ہے۔