Taasir Urdu News Network | Uploaded on 18-August-2018
ترواننت پورم : کیرالہ کے وزیر اعلی پناري وجين نے یہاں پریس کانفرنس سے خطاب کرتے ہوئے کہا کہ ریاست میں بارش اور سیلاب کی وجہ سے 29 مئی سے اب تک 324 افراد ہلاک ہو چکے ہیں۔
مسٹر وجين نے کہا کہ ان 324 اموات میں سے 164 آٹھ اگست کے بعد ہوئی ہیں۔کیرالہ میں اب تک یہ سب سے بڑی راحت اور بچاؤ مہم ہے جس میں مختلف ایجنسیوں نے صرف جمعہ کو 82،442 افراد کی جان بچائی ہے۔ الوا سے 71،591، چلاكڑي سے 5،500، چیگنور سے 3،060، كٹاند سے 2،000 اور ترولا اور ارنملا سے 741 افراد کو بچایا گیا ہے۔
جمعہ کی شام تک ریاست کے 70،085 خاندانوں کے 3،14،391 افراد کو راحتی کیمپوں میں منتقل کیا جا چکا ہے۔ امدادی مہم میں 40،000 پولیس اہلکار اورفائربریگیڈ کی ٹیم کے 3،200 ملازمین کو لگایا گیا ہے۔ اس کے علاوہ بحریہ کے 46، ایئرفورس کے 13، کوسٹ گارڈوں کی 16 ٹیمیں اورر نیشنل ڈیزاسٹر ریسپونس فورس (این ڈی آر ایف) کی 79 اور محکمہ ماہی گیری کی 403 کشتیاں بچاو اور راحت مہم میں لگی ہوئی ہیں۔