نتیش کمارنے سنبھالی جے ڈی یوکی کمان ، کارکنان میں جوش وخروش

پٹنہ10اپریل(طارق حسن) آخر کار بہار کے وزیر اعلیٰ نتیش کمار کو جے ڈی یو کا قومی صدر منتخب کر لیا گیا۔اتوار کو قومی مجلس عاملہ کے اجلاس کے بعد نتیش کوپارٹی کے صدر کے طور پر منتخب کیا گیا. نتیش کا جے ڈی یو اہم بننا پہلے ہی طے ہو گیا تھا۔اس سے پہلے شرد یادو کے گھر چل پر پارٹی رہنماؤں کی میٹنگ ہوئی جس میں شرد یادو کے علاوہ کے سی تیاگی، آرسی پی سنگھ سمیت پارٹی کے تمام بڑے لیڈرموجودتھے۔شرد یادو قومی مجلس عاملہ کے اجلاس میں خطاب کرتے بولتے جباتی ہو گئے تھے اور ان کے آنسوچھلک پڑے تھے۔تین بار جے ڈی یو صدر رہ چکے شرد یادو نے پہلے ہی صاف کر دیا تھا کہ وہ چوتھی بار یہ ذمہ داری نہیں سنبھالیں گے۔شردیادو نے اتوار کوکہاکہ ہمیں جے ڈی یو کو بڑھانے کیلئے آگے آناہے ۔ہم استعفیٰ دینے کے بعد واپس نہیں لیتے۔ہم اسی طاقت سے کام کریں گے، جیسے پہلے کرتے تھے اور فعال رہیں گے۔جے ڈی یو میں اپنے کردار کے سوال پر انہوں نے کہاکہ یہ تو پارٹی طے کرے گی۔یادو نے کہاکہ ہم کوئی اس پارٹی کے سبب ملک کی سیاست میں نہیں ہیں۔لوگوں کی محبت ہے۔ہم نے پہلے بھی تھے اور آگے بھی رہیں گے۔پارٹی چیئرمین کے طور پر شرد یادو نے مسلسل تین مدت پوری کی ہیں۔انہوں نے اب پارٹی کے آئین میں کوئی ترمیم کرانے سے انکار کیا ہے، کیونکہ اس کے بعد ہی ان کے اگلے دور کیلئے منتخب کیا جاسکتا تھا۔ یادوکو2013میں اس عہدے کیلئے تیسری بار منتخب کیا گیا تھا۔شرد یادو بہار کے وزیر اعلیٰ نتیش کمار کے ساتھ پارٹی کے بانیوں میں شامل ہیں۔