لندن، 11 مئی (یو این آئی) انگلینڈ خواتین کرکٹ ٹیم کی سب سے زیادہ بااثر کپتان اور 20 سال تک ملک کی طرف سے کھیلنے والی شارلٹ ایڈورڈز نے بین الاقوامی کرکٹ کو الوداع کہہ دیا ہے . ایڈورڈز نے بدھ کو ریٹائرمنٹ کا اعلان کرتے ہوئے کہا، ” مجھے سب جانتے ہیں، میں نے انگلینڈ کرکٹ کے لئے کتنا کچھ کیا. بین الاقوامی کرکٹ سے ریٹائرمنٹ لینے کا فیصلہ بہت مشکل بھرا تھا لیکن ٹیم کے ساتھیوں کے ساتھ مشورہ کرنے کے بعد میں اس فیصلے پر پہنچی ہوں کہ مجھے اب کرکٹ کو الوداع کہہ دینا چاہئے . “ایڈورڈز نے ریٹائرمنٹ لینے کا یہ فیصلہ ٹوئنٹی -20 خواتین ورلڈ کپ میں آسٹریلیا سے سیمی فائنل ہارنے کے بعد ہی کر لیا تھا. تاہم وہ گھریلو کرکٹ ٹورنامنٹ کھیلنا جاری رکھیں گی جن میں پہلی خاتون سپر لیگ بھی شامل ہے . 10 سال تک انگلینڈ کی کپتانی کرنے والی ایڈورڈز نے کہا کہ، “میں نے انگلینڈ کرکٹ کو 20 سال دیئے ہیں اور مجھے اس پر فخر ہے . 1996 میں 16 سال کی عمر میں میں نے اپنے ملک کی جانب سے کرکٹ میں قدم رکھا۔ اپنے 20 سال کے کرکٹ کیریئر میں میں نے کئی کامیابیاں حاصل کیں۔ مجھے خوشی ہے کہ میں ورلڈ کپ اور ایشز سیریز جیتنے والی ٹیم کی رکن رہی. ” کرکٹ کے تینوں فارمیٹس میں 10000 سے زیادہ رن بنانے والی ایڈوڈرس نے اپنی کپتانی میں انگلینڈ کو تین ایشز سیریز، ورلڈ کپ اور ٹوئنٹی -20 ورلڈ کپ جتائے ہیں. انہوں نے کہا، “20 سال کافی طویل وقت ہوتا ہے اور اس دوران میر ی حمایت کرنے کے لئے میں آپ کے خاندان، دوستوں، کوچوں اور تمام ٹیم کے عملہ کا شکریہ ادا کرنا چاہتی ھوں ۔اپ سب میرے لئے کافی اہم ثابت ہوئے اور آپ سب کے بغیر میں اس کامیابی کو حاصل نہیں کر سکتی تھی۔