کلکتہ31مئی(یو این آئی)وزیر اعلیٰ ممتا بنرجی نے انتخابی اصلاحات کی وکالت کرتے ہوئے کہا ہے کہ ریاست کی جانب سے اسپانسر انتخاب ہونا چاہیے ۔انہوں نے اسپیکر بمان بنرجی کے منتخب ہونے پر تقریر کرتے ہوئے کہا کہ میں عوام کے مفاد میں اپیل کرتی ہوں کہ انتخابات میں ریاست کی جانب سے فنڈنگ ہونی چاہیے ۔ہم انتخابی اصلاحات کے حامی ہیں ۔انتظامی اصلاحات، معاشی اصلاحت کے ساتھ انتخابی اصلاحات کی وکالت کرتے ہوئے ممتا بنرجی نے کہا کہ تشدد اور بدعنوانی سے پاک انتخابات کیلئے ضروری ہے فنڈنگ ریاست کی جانب سے ہونی چاہیے ۔انہوں نے کہا کہ الیکشن کمیشن سے میں نے بار بار اس سے متعلق بات کہی ہے کہ کالا دھن ، کالا دھن چلانے کے بجائے ریاست کی جانب سے فنڈنگ ہوگی تو پھر کوئی مسئلہ نہیں ہوگا ۔وزیر اعلیٰ ممتا بنرجی نے ممبران اسمبلی سے مثبت تنقید اور ترقی کیلئے تعاون کی اپیل کرتے ہوئے کہا کہ میں دل کی گہرائیوں سے مبارک باد پیش کرتی ہوں اور امید کرتی ہوں ممبران اسمبلی کی کارروائی میں تعاون کریں گے اور مثبت بحث و مباحثہ کریں تاکہ ریاست کو ترقی کی راہ پر گامزن ہوسکے ۔انہوں نے کہا کہ میں چاہتی ہوں بنگال دنیامیں سب سے ترقی یافتہ ریاست بنے ۔انہوں نے کہا کہ ان کی حکومت امن وامان کے قیام، معاشی استحکام کے عہد پر کاربند ہے ۔انہوں نے ماں ماٹی اور مانش کی حکومت کا شکریہ ادا کرتے ہوئے کہا کہ ان کی کامیابی اسی کی مرہون منت ہے ۔