ٹہری 15 اکتوبر (ایجنسی): وزیراعلیٰ ہریش راوت نے پرتاپ نگر اسمبلی حلقہ کو اوبی سی کا درجہ دیئے جانے پرمنعقد شکریہ ریلی کو خطاب کرتے ہوئے کہا کہ ریاستی حکومت پرتاپ نگر کو ماڈل کے طور پر پیش کرے گی۔ اس دوران سی ایم نے پڈیا میں منی اسٹیڈیم کے ساتھ ساتھ کئی منصوبوں کا افتتاح اور ان کاسنگ بنیاد رکھا۔ 60 کروڑ کے منصوبوں کا افتتاح کیا جس میں 28 کروڑ 85لاکھ 19 ہزار روپئے کے منصوبوں کا سنگ بنیاد رکھا۔ ان منصوبوں میں لمب گاؤں ۔ بیج پور ۔ راوت گاؤں ۔ پنیالا 17 کلو میٹر موٹر سڑک، راج کھیت میں ریسٹ ہاؤس ، سلیا دھار ۔ والکا کھال موٹر سڑک کا ڈامری کاری ، کانڈی کھال ۔ سیلور موٹر سڑک کا ڈامری کاری کے علاوہ دیول لمب گاؤں میں ٹراما سنٹر ، اے این ایم ٹریننگ سنٹر اور رائی کالج دیوتادھار ، گروان گاؤں اور گالڈو دھار کی عمارت کا سنگ بنیاد شامل ہے۔