چلتی بس میں اچانک لگی آگ، 8 مسافر زندہ جلے

نالندہ، 25 مئی (نمائندہ)۔ بہار میں پٹنہ سے شیخ پورہ جارہی بابا رتھ کی بس میں ہرنوت میں آگ لگ گئی. چلتی بس میں آگ لگنے سے آٹھ افراد زندہ جل گئے. بس کے انجن کے پاس آگ لگنے سے لوگ اندر ہی زندہ جل گئے. لوگوں کو نکلنے کا موقع نہیں مل پایا. مرنیوالوں میں بچے بھی شامل ہیں. عینی شاہدین کے مطابق بس کے اندر لوگ چیخ رہے تھے اور مدد کی فریاد کر رہے تھے، لیکن آگ کی لپٹیں اتنی تیز تھیں کہ کوئی بھی مدد کے لئے نہیں جا پایا اور بس جل کر خاک ہو گئی. وزیراعلیٰ نتیش کمار نے آتشزدگی کے واقعہ میں جانی نقصان پر صدمے کااظہار کیا ہے۔ انتظامیہ نے فی الحال آٹھ افراد کے مرنے کی تصدیق کی ہے، لیکن کسی کی شناخت نہیں ہو پائی ہے. لیکن مقامی لوگوں کا کہنا ہے کہ مرنیوالو کی تعداد زیادہ ہو سکتی ہے، کیونکہ صرف ایک ہی دروازہ ہونے کی وجہ سے لوگ باہر نہیں نکل پائے.آگ کی وجوہات کا ابھی تک پتہ نہیں چل پایا ہے. حادثہ کے بعد علاقے میں جام جیسے حالات ہوگئے ہیں. بس میں تقریبا 50 افراد سوار ہونے کی بات کہی جا رہی ہے. گاؤں والوں نے خود آگ پر حاصل کرنے کی کوشش کی ہے. ضلع کے تمام اعلی افسران موقع پر پہنچ گئے ہیں. چکنی گاؤں کے ہری سنگھ نے بتایا کہ وہ کھڑکی کا شیشہ توڑ باہر نکلنے میں کامیاب رہے. انہوں نے بتایا کہ بس مسافروں سے مکمل طور پر بھری ہوئی تھی. سیٹوں کے علاوہ بس میں بڑی تعداد میں مسافر کھڑے تھے. بس میں تقریبا 50 مسافر سوار تھے. انہوں نے بتایا کہ بس جیسے ہی ہرنوت کے تھانہ موڑ کے پاس پہنچی، انجن کے پاس رکھے چار پانچ بوریوں میں اچانک آگ لگ گئی. آگ کی لپٹیں کافی تیز ہونے کی وجہ سے لوگوں کو بھاگنے کا موقع نہیں مل پایا. انجن کے پاس ہی بس سے اترنے کے لئے گیٹ تھا، آگ کی لپٹیں تیز ہونے کی وجہ سے وہاں سے مسافروں کا نکلنا مشکل ہو رہا تھا. اس کی وجہ سے مسافر ونڈو کا شیشہ توڑ کر بھاگنے لگے.مرنے والوں کی لاشیں اتنی بری طرح جلی ہوئی ہیں کہ ان کی شناخت کرنا مشکل ہو رہا ہے. ایس پی کمار آشیش نے اس حادثے میں اب تک آٹھ افراد کے مرنے کی تصدیق کی ہے، جس میں سے ایک بچہ شامل ہے. وہیں ڈی ایم ڈاکٹر تیاگ راجن ایس ایم نے بتایا کہ بس کے انجن کے پاس آم پکانے کا کیمیکل تھیلے میں رکھا ہوا تھا. جس کی وجہ سے یہ حادثہ ہوا ہے.وزیر اعلی نتیش کمار نے نالندہ ضلع کے ہرنوت بازار کے قریب پٹنہ سے شیخ پورہ جارہی بس میں آگ لگنے سے ایک بچہ سمیت آٹھ افراد کی موت پر گہرے غم کا اظہار کیا ہے. وزیر اعلی نے آگ لگنے کے واقعہ کی وجوہات کی تحقیقات کا بھی حکم دیا ہے. ساتھ ہی حادثہ میں مارے گئے تمام مرنے والوں کے اہل خانہ کو چار چار لاکھ روپے معاوضہ دینے کا اعلان کیا ہے. وزیر اعلی نے حادثے میں زخمیوں کے مفت مناسب علاج کرانے کا بھی حکم دیا ہے اور ان کے جلد صحت مند ہونے کی دعا کی ہے. وزیر اعلی نتیش کمار نے اس حادثے کو انتہائی المناک بتایا اور اس حادثے میں مرنے والوں کے اہل خانہ کے تئیں گہری تعزیت کا اظہار کیا ہے۔