لاہور ، 25 دسمبر ( یو این آئی ) شاہد آفریدی فا¶نڈیشن کے زیر اہتمام ٹی10 کرکٹ میچ میں بابر اعظم کی 26 گیندوں پر سنچری کی بدولت ساف وائٹ نے ساف ریڈ کو دو وکٹوں سے شکست دے کر اپنے نام کر لیا۔ شاہد آفریدی فا¶نڈیشن کے زیر اہتمام پیر کو کھیلے گئے میچ میں شاہد آفریدی کی ٹیم ساف وائٹ نے ٹاس جیت کی مصباح الحق کی ٹیم ساف ریڈ کو پہلے بلے بازی کی دعوت دی۔ساف ریڈ نے شعیب ملک کی عمدہ بیٹنگ کی بدولت 210 رنز کا اسکور بورڈ پر سجایا، شعیب ملک نے 20 گیندوں پر 84 رنز کی اننگز کھیلی جس میں بابراعظم کی چھ گیندوں پر لگاتار چھکے بھی شامل تھے ۔ جواب میں بابر اعظم کی 26 گیندوں پر 11 چھکوں سے مزین سنچری کی بدولت ساف وائٹ نے آخری اوور میں کامیابی حاصل کر لی۔میچ میں نامور کھلاڑیوں، شخصیات اور فنکاروں نے شرکت کی جن میں مصباح الحق، شاہد آفریدی، بابر اعظم، محمد عامر، فخر زمان، فہد مصطفی، ڈی سی سلیمان غنی نمایاں تھے ۔ میچ سے حاصل شدہ آمدنی شاہد آفریدی فا¶نڈیشن صحت اور تعلیم کی سہولیات کو بہتر بنانے کیلئے استعمال کرے گی۔