14دسمبر (آئی این ایس انڈیا )جنوبی افریقہ کی ہائی کورٹ نے ملکی صدر جیکب زوما کو ہدایت کی ہے کہ وہ ایک ایسی عدالتی انکوائری کمیٹی تشکیل دیں، جو حکومت کی طرف سے مبینہ بدعنوانی کی چھان بین کر سکے۔ عدالت نے اس کمیٹی کی تشکیل کے لیے صدر زوما کو تیس دن کا وقت دیا ہے۔ اس عدالتی فیصلے کی وجہ یہ ابتدائی تفتیشی نتائج بنے کہ ملکی حکومت مبینہ طور پر کرپشن کی مرتکب ہوئی ہے اور اس بدعنوانی کا تعلق صدر زوما کے جنوبی افریقہ کے گپتا نامی ایک بہت امیر کاروباری خاندان کے ساتھ مبینہ روابط سے بھی ہو سکتا ہے۔ اس سلسلے میں شروع میں ملکی صدر پر یہ دباو¿ بھی تھا کہ وہ مستعفی ہو جائیں۔