ملتان 26دسمبر (آئی این ایس انڈیا) ملتان میں سوائن فلو سے دو ہفتوں کے دوارن 4 افراد جا ں بحق ہو گئے۔ محکمہ صحت کے مطابق جاں بحق افراد میں سوائن فلو کی تصدیق ہوئی ہے جن کا تعلق ملتا ن اور مظفرگڑھ سے تھا۔شہر میں سوائن فلو بے قابو ہوگیا، ہلاکتوں کا سلسلہ نہ رک سکا۔ رواں ماہ کے دوران نشتر ہسپتال میں 12 افراد مرض میں مبتلا ہو کر داخل ہوئے، 6 میں خطرناک وائرس کا شبہ پایا گیا جو ہسپتا ل میں زیر علاج ہیں۔2016میں بھی سوائن فلو کے خطرناک وائرس سے 8افراد جاں بحق ہوئے تھے جبکہ 75متاثر ہوکر اسپتال پہنچے۔پاکستان میں طبی المیہ اپنے شباب پر ہے اور ابھی بھی حکمراں اور اپوزیشن دھرنوں اور احتجاجوں میں مصروف ہے جس سے ان کی اقتدار کی ہوس ظاہر ہوتی ہے ۔