واشنگٹن20 دسمبر (آئی این ایس انڈیا )واشنگٹن حکومت کی طرف سے یروشلم کو اسرائیلی دارالحکو مت تسلیم کرنے کے خلاف سلامتی کونسل میں پیش کی جانے والی قرارداد کو امریکا کی جانب سے ویٹو کر دیے جانے کے بعد سلامتی کونسل کے زیادہ تر ارکان اب اس قرارداد کو اس عالمی ادارے کی جنرل اسمبلی میں لے جانے کے خواہاں ہیں۔ اقوام متحدہ کے ایک ترجمان کے مطابق اس سلسلے میں کل جمعرات اکیس دسمبر کو جنرل اسمبلی کی ایک ایمرجنسی میٹنگ ہو رہی ہے۔ یروشلم کو اسرائیلی دارالحکومت تسلیم کرنے کے امریکی فیصلے کے خلاف سلامتی کونسل میں پیر کے روز مصر کی پیش کردہ قرارداد کی امریکا کے سوا باقی تمام 14 ممالک نے حمایت کی تھی۔
یروشلم کے حوالے سے اقوام متحدہ کی جنرل اسمبلی کا ہنگامی اجلاس
