برسلز15دسمبر (آئی این ایس انڈیا ) یورپی یونین کے سربراہان نے مشرقی یو کر ین کے تنازع میں کردار پر روس کے خلاف سخت تعزیرات میں توسیع کی منظوری دے دی ہے۔اس فیصلے کا اعلان جمعرات کے روز یورپی یونین کے سربراہ اجلاس کے بعد کیا گیا۔روس کے خلاف موجودہ تعزیرا ت جولائی 2018ءتک جاری رہیں گی۔یو رپی کونسل کے صدر، ڈونالڈ ٹسک نے ٹوئٹر پر شائع ایک پیغام میں کہا ہے کہ ”روس کے خلا ف معاشی تعزیرات میں توسیع کے معا ملے پر یورپی یونین متحد ہے“۔تعزیرات میں مالیا ت، توانائی اور دفاعی صنعتوں کو ہدف بنایا گیا ہے، جب کہ یورپی یونین کی منڈیوں تک روس کی رسائی کو محدود کیا گیا ہے، جنھیں 2014ءکی موسم گرما میں پہلی بار ا±س وقت لاگو کیا گیا تھا جب روس نے یوکرین کے کریمیا کے جزیرے کو ضم کیا تھا۔ تب سے، ہر چھ ماہ کے بعد اس میں توسیع کی جاتی رہی ہے۔یوکرین کے صدر پیترو پوروشنکو نے تعزیرات میں توسیع کا خیر مقدم کیا ہے۔