حیدرآباد، 25 اپریل (یواین آئی) ممبئی انڈینس کے خلاف خراب آغاز کے باوجود گیندبازوں کے دم پر قابل تعریف جیت درج کرنے والی سن رائزرس حیدرآباد نے خود کو ثابت کر دیا ہے اور اب وہ جمعرات کو اپنے گھریلو میدان میں کنگز الیون پنجاب کے فتوحاتی سلسلے کو روکنے کے لئے اترے گی جو پوائنٹ ٹیبل میں دوسرے نمبر پر موجود ہے ۔ حیدرآباد کی آئی پی ایل -11 میں کارکردگی اب تک کافی تسلی بخش رہی ہے اور اس نے اپنے چھ میچوں میں چار جیتے ہیں جبکہ دو میچوں میں اسے شکست کا سامنا کرنا پڑا ہے ۔ وہ پوائنٹ ٹیبل میں تیسرے نمبر پر ہے جبکہ پنجاب بھی بہترین فارم میں کھیل رہی ہے اور اپنے پانچ میچوں میں چار جیت اور واحد شکست کے بعد وہ دوسرے نمبر پر موجود ہے ۔ دونوں ہی ٹیمیں جب حیدرآباد میں جمعرات کو آمنے سامنے ہوں گی تو ان کی کوشش جیت کے سلسلے کو برقرار رکھنے کی ہوگی۔ حیدرآباد نے اپنے گزشتہ میچ میں زبردست کھیل سے ثابت کر دیا ہے کہ ٹورنامنٹ میں اس کے پاس مضبوط گیندبازی بھی ہے جو کبھی بھی میچ کا رخ پلٹ سکتی ہے ۔ ممبئی کے خلاف محض 18.4 اوور میں 118 پر ڈھیر ہونے کے باوجود جہاں ایک وقت اسے ہارا ہوا تصور کیا جا رہا تھا تو اس کے گیند بازوں نے معمولی اسکور کا بھی شاندار دفاع کیا اور حریف ٹیم کو 87 رنز پر ہی ڈھیر کرکے میچ 31 رنز سے جیت لیا۔ حیدرآباد کے لیے میڈیم تیز گیندباز سدھارتھ کول نے جہاں 23 رن پر تین وکٹ لئے تو افغانستان کے اسپنر راشد خان نے چار اوور میں 11 رن پر دو اور باسل تھمپ¸ نے چار رن پر دو وکٹ لئے ۔وہیں سندیپ شرما نے بھی کفایتی گیند بازی کی اور تین اوور میں صرف نو رن دے کر ایک وکٹ حاصل کیا۔ ٹیم کے ہر گیندبازوں نے وکٹیں حاصل کیں اور رن بھی کم دیئے ۔ حیدرآباد کی جیت اس لئے بھی اہم ہے کیونکہ اس نے ممبئی جیسی ٹیم کے بہترین بلے بازوں کو رن نہیں بنانے دیئے ۔
دوسری طرف پنجاب بھی 11 ویں ایڈیشن میں نئے کپتان روی چندرن اشون کی قیادت میں زبردست فارم میں ہے اور اس نے گزشتہ میچ میں دہلی ڈیئر ڈیولس کو اس کے گھریلو میدان پر محض چار رنز سے شکست دی تھی۔ یہ میچ بھی پنجاب کو اس کے گیند بازوں نے جتوایا تھا۔ مجیب الرحمن کی عمدہ گیندبازی سے ٹیم جیت کی دہلیز تک پہنچی۔ حیدرآباد کے سدھارتھ گزشتہ چھ میچوں میں 19.11 کی اوسط سے نو وکٹ حاصل کرکے سب سے کامیاب گیندباز ہیں جبکہ بھونیشور کمار، شکیب الحسن اور راشد خان نے اب تک چھ چھ وکٹ لئے ہیں ۔ بلی اسٹینلیک، سندیپ شرما اور باسل تھمپ¸ بھی اس کے اچھے گیندباز ہیں۔ بھونیشور اگرچہ پیٹھ میں چوٹ کی وجہ سے گزشتہ میچ میں نہیں کھیل سکے تھے اور ان کی فٹ نیس پر پوزیشن واضح نہیں ہے ۔ اگرچہ بلے باز شکھر دھون چوٹ کے بعد واپسی کر رہے ہیں اور فٹنس کے مسائل کا شکار رہے ہیں اورگزشتہ میچ میں انہوں نے پانچ رنز ہی بنائے تھے ۔ حیدرآباد کے لیے بلے بازی میں اصلاح سب سے اہم ہے کیونکہ جہاں اس کی گیندبازی لائن اپ کافی مضبوط ہے اور وہ رن کے لئے صرف دھون اور کپتان ولیم پر ہی انحصار کرتی نظر آرہی ہے ۔ کین چھ میچوں میں 259 رنز کے ساتھ ٹاپ اسکورر ہیں۔ اس کے بعد دھون (135) اور یوسف پٹھان (124) اس کے اہم بلے باز ہیں۔ دوسری طرف پنجاب کے پاس بھی مضبوط بیٹنگ لائن اپ ہیں جس میں کرس گیل اس وقت کافی شاندار فارم میں ہیں اور ٹورنامنٹ کے پہلے سنچری بنانے والے بلے باز بھی ہیں۔ وہ تین میچوں میں 229 کی اوسط سے رن بنا چکے ہیں جس میں ناٹ آ¶ٹ 104 رن ان کی اہم اننگز ہے ۔ اس کے علاوہ لوکیش راہل، کرون نائر، مینک اگروال بھی اچھے اسکورر ہیں تو کپتان اشون نچلے آرڈر پر بڑا اسکور کر سکتے ہیں۔ گیند بازوں میں افغانستان کے مجیب چھ وکٹ اور آدتیہ تارے گزشتہ چھ میچوں میں چھ چھ وکٹ کے ساتھ سب سے کامیاب رہے ہیں اور گزشتہ میچ میں جیت میں ان کا اہم کردار رہا تھا۔ پنجاب نے اس میچ کو گیل کے بغیر بھی جیتا اور دکھایا کہ وہ کسی ایک کھلاڑی پر منحصر نہیں ہے لیکن آل را¶نڈر یوراج سنگھ کی فارم اس کے لیے تشویش کاسبب ہے جنہوں نے 14،0،20،4، 12 کے خراب اسکور بنائے ہیں اور مڈل آرڈر میں ٹیم کی کمزور کڑی ثابت ہو رہے ہیں۔