موہالی، 08 اپریل (یو این آئی ) اوپنر لوکیش راہل (51) کے آئی پی ایل کی سب سے تیز نصف سنچری اور کر ونا نائر کے 50 رنز کی بدولت کنگز الیون پنجاب نے آئی پی ایل 11 میں اپنی مہم کا شاندار آغاز کرتے ہوئے دہلی ڈئیر ڈیولس کو اتوار کو آسانی سے چھ وکٹ سے ہرا دیا۔ دہلی ڈئیر ڈیولس نے کپتان گوتم گمبھیر کے 55 رن سے سات وکٹ پر 166 رن کا مشکل اسکور بنایا لیکن راہل کے آتشی حملوں نے اسے چھوٹا ثابت کر دیا۔راہل نے محض 16 گیندوں پر چھ چھکے اور چار چھکے اڑاتے ہوئے 51 رن بنائے اور آئی پی ایل کی سب سے تیز نصف سنچری بنا ڈالی ۔ پنجاب نے 18.5 اوور میں چار وکٹوں کے نقصان پر 167 رنز بنا کر یکطرفہ کامیابی حاصل کر لی۔راہل مین آف دی میچ رہے ۔ راہل نے اننگز کے تیسرے اوور میں لیگ اسپنر امت مشرا کی گیندوں پر 4،6،6،4،4 اڑاتے ہوئے 24 رن بنائے اور اپنی نصف سنچری بھی مکمل کر ڈالی۔ راہل 4.5 اوور میں ٹیم کے 64 کے اسکور پر آ¶ٹ ہوئے لیکن اس وقت تک وہ دہلی کا حوصلہ پست کر چکے تھے ۔ان 64 رن میں ان کی شراکت 51 رنز تھی ۔ راہل کی شاندار اننگز کے بعد کرونا نائر نے 33 گیندوں پر 50 رنز میں پانچ چوکے اور دو چھکے لگائے اور پنجاب کا کام آسان کر دیا۔ڈیوڈ ملر نے ناٹ آ¶ٹ 24 اور مارکس اسٹنس نے ناٹ آ¶ٹ 22 رنز بنا کر پنجاب کو 11 ویں ایڈیشن میں فتح آغاز دے دیا۔ مینک اگروال سات اور یوراج سنگھ 22 گیندوں میں 12 رنز بنا کر آ¶ٹ ہوئے ۔ کے کے آر سے الگ ہونے کے بعد دہلی کی کپتانی سنبھال رہے گمبھیر کے لئے اس وقت شروعات اچھی نہیں رہی۔گمبھیر نے اگرچہ 42 گیندوں پر پانچ چوکوں اور ایک چھکے کی مدد سے 55 رنز کی اننگز کھیلی لیکن ٹیم بڑا اسکور نہیں بنا پائی۔ گمبھیر ٹیم کے 123 کے اسکور پر پانچویں وکٹ کے طور پر آ¶ٹ ہوئے ۔ وکٹ کیپر رشبھ پنت نے محض 13 گیندوں میں چار چوکوں اور ایک چھکے کے سہارے 28 اور کرس مورس نے 16 گیندوں میں ایک چوکے اور ایک چھکے کی مدد سے ناقابل شکست 27 رنز بنا کر دہلی کو 166 تک پہنچایا۔ کولن منرو چار، شریس ایر 11، وجے شنکر 13، راہل تیوتیا نو اور کرسٹین 13 رنز بنا کر آ¶ٹ ہوئے ۔افغانستان کے آف اسپنر مجیب الرحمن نے شاندار بولنگ کرتے ہوئے چار اوور میں صرف 28 رنز دے کر دو وکٹ لئے ۔ پنجاب کے کپتان اور آف اسپنر روی چندرن اشون نے 23 رن پر ایک وکٹ، فاسٹ بولر موہت شرما نے 33 رن پر دو وکٹ اور لیفٹ آرم اسپنر اکشر پٹیل نے 35 رن پر ایک وکٹ لیا.