گزشتہ ہفتہ بھی انہوں نے کیلاش مانسروور یاترا کے لئے شارٹ لسٹ ہوئے ایک جوڑے کی مدد کی تھی۔ دراصل یاترا کی لسٹ میں شوہر بیوی کانام الگ الگ بیچ میں تھا۔

وزارت خارجہ کے ذریعہ ہر سال منعقد ہونے والے اس یاترا کے لئے چندر نندی اور ان کی بیوی کا انتخاب ہوا تھا، لیکن 13 مئی کو نندی نے ٹوئٹ کرکے سشما کو بتایا کہ ان کی بیوی کی بکنگ کسی دیگر بیچ میں ہوئی ہے۔

نندی نے ٹوئٹ کرکے وزیرخارجہ سے اس پریشانی کو سلجھانے کی گزارش کی تاکہ وہ اور ان کی بیوی ایک ساتھ یاترا کرسکیں۔

سشما نے کچھ ہی منٹوں میں اس ٹوئٹ کا جواب دیا۔ انہوں نے اسے کمپیوٹر کی غلطی بتایا اور یقین دہانی کرائی کہ انہیں فکر کرنے کی ضرورت نہیں ہے اور دونوں ساتھ جاسکیں گے۔