Taasir Urdu News Network | Uploaded on 03-May-2018
بنگلورو۔ کرناٹک کے انتخابات میں بس اب کچھ دن ہی باقی بچے ہیں۔ سبھی پارٹیوں نے اس الیکشن میں اپنی پوری پوری طاقت جھونک دی ہے۔ جمعرات کو وزیر اعظم نریندر مودی اور کانگریس صدر راہل گاندھی کرناٹک میں انتخابی ریلی کریں گے۔ وہیں، اترپردیش کے وزیر اعلیٰ یوگی آدتیہ ناتھ جمعرات سے کرناٹک میں اپنی انتخابی مہم کی شروعات کرنے جا رہے ہیں۔
نریندر مودی گلبرگ، بیلاری اور بنگلورو میں ریلیاں کرنے والے ہیں۔ وہیں، راہل گاندھی بھی بیدر ضلع میں چار ریلیاں کرنے والے ہیں۔ ووٹنگ کا دن قریب آتے آتے کرناٹک کا الیکشن بیحد دلچسپ ہوتا جا رہا ہے۔ بی جے پی کے وزیر اعلیٰ عہدہ کے امیدوار یدی یورپا نے دعوی کیا ہے کہ اگلے وزیر اعلیٰ وہی بننے والے ہیں
کرناٹک میں 12 مئی کو ووٹ ڈالے جائیں گے اور 15 مئی کو انتخابات کے نتائج کا اعلان کیا جائے گا۔
راہل گاندھی نے ٹویٹ کیا کرناٹک کے کسانوں کے لئے مودی کا رپورٹ کارڈ۔ راہل نے لکھا کہ ریاست کی حکومت نے کسانوں کی قرض معافی کے لئے 8500 کروڑ روپئے دئیے لیکن مرکز نے ایک بھی روپیہ نہیں دیا۔ انہوں نے آگے لکھا کہ پی ایم کی فصل بیمہ یوجنا کا فائدہ کسانوں کو نہیں ملا، الٹے نجی انشورنس کمپنیوں کو اس سے بڑا فائدہ ملا۔ وہیں، انہوں نے لکھا کہ مودی حکومت نے کرناٹک کے کسانوں کے لئے کم ازکم امدادی قیمت بھی نہیں بڑھایا۔ راہل نے پی ایم کو ایف گریڈ دیا ہے
