دنیا بھر سے

عمران خان کی سابقہ بیوی ریحام کے انکشاف سے ہنگامہ، لگایا ‘سیکسوئل فیور’ کا الزام

Written by Taasir Newspaper

Taasir Urdu News Network | Uploaded on 07-june-2018

پاکستان کے عام انتخابات میں اب مشکل سے دو مہینے رہ گئے ہیں۔ کرکٹر سے سیاست دان بنے عمران خان بھی پاکستان کے انتخابی دنگل میں ہیں۔ لیکن ان دنوں پاکستان میں عمران خان کی سابقہ بیوی ریحام خان کی لکھی کتاب چرچا میں ہے۔ ریحام خان کی کتاب کے اجرا سے پہلے ہی اس کے کچھ حصے لیک ہو چکے ہیں جس میں ریحام نے اپنے سابق شوہر کے خلاف سنگین الزامات لگائے ہیں۔ اس کی وجہ سے پاکستان کی سیاست میں کھلبلی مچ گئی ہے۔ عمران خان کو پاکستان کے آنے والے وزیراعظم کے طور پر دیکھا جا رہا ہے۔ لیکن اس دوران ریحام خان نے عمران پر ‘جنسی استحصال’ اور ‘زبردستی’ جیسے سنگین الزامات لگا کر پاکستانی سیاست میں موڑ لا دیا ہے۔

سی این این کو دئیے انٹرویو میں ریحام خان نے اپنے سابق شوہر عمران خان پر سنگین الزام لگاتے ہوئے کہا کہ انہوں نے اپنی کتاب میں بہت سے ایسے واقعات کا ذکر کیا ہے جب عمران کی پارٹی تحریک انصاف میں سیاسی فوائد کے لئے ‘سیکسوئل فیورس’ لئے گئے۔ ریحام نے بتایا کہ پارٹی کے سربراہ عمران خان بھی ان واقعات میں شامل رہے ہیں۔

حالانکہ، ریحام نے کسی بھی واقعہ میں عمران خان یا کسی بھی لیڈر کا نام لے کر براہ راست طور پر شامل ہونے کا ذکر نہیں کیا۔ لیکن انہوں نے یہ بات صاف کہہ دی کہ پاکستانی سیاست میں سیاسی اور میڈیا فائدوں کے لئے سیکسوئل فیورس لئے جاتے ہیں۔

ریحام خان نے عمران خان کی پارٹی پاکستان تحریک انصاف پر الزام لگاتے ہوئے کہا کہ پارٹی نے گینگ ریپ اور سیکسوئل کرائم میں ملوث ملزمین کو بھی پارٹی میں جگہ دے رکھی ہے۔

ریحام نے کہا، “مجھے لگتا ہے کہ پارٹی کے سربراہ کو اس بات کی ذمہ داری لینی چاہئے کہ ان کی پارٹی میں کس طرح کے لوگ ہیں اور کیا چل رہا ہے۔

عمران خان کو مسٹر یوٹرن کہتے ہوئے ریحام نے بتایا کہ عمران بہت ہی موقع پرست ہیں اور اپنے فائدے کے لئے عوام کو گمراہ کر رہے ہیں۔

About the author

Taasir Newspaper