بین الاقوامی

ماسکوکے ریڈ اسکوائر میں بھیڑ میں کار، 8 زخمی

Written by Taasir Newspaper

Taasir Urdu News Network | Uploaded on 17-June-2018

ماسکو، : فٹ بال ورلڈ کپ کی میزبانی کر رہے روس کے دارالحکومت ماسکو میں ہفتہ کو ایک ٹیکسی لوگوں کی بھیڑ میں گھس گئی جس کی زد میں آکر آٹھ افراد زخمی ہو گئے۔ زخمیوں میں کچھ میکسیکو کے شہری بھی شامل ہیں جو ورلڈ کپ کے میچ دیکھنے آئے ہوئے ہیں۔

انٹر فیكس خبررساں ایجنسی نے سرکاری ذرائع کے حوالہ سے بتایا کہ واقعہ وسطی روس میں ریڈ اسکوائرکے قریب ہوا اور اس وقت ٹیکسی ڈرائیور نشے کی حالت میں تھا۔ پولیس کے مطابق تمام زخمیوں کو طبی امداد فراہم کر دی گئی ہے۔

ماسکو کے ٹریفک مینجمنٹ حکام نے بتایا کہ ڈرائیور کے پاس سابق سوویت یونین کا حصہ رہے مسلم اکثریتی کرغزستان کا جاری کیا ہوا ڈرائیونگ لائسنس تھا۔ تفتیش میں ڈرائیور نے کہا کہ اس نے کسی مقصد کے تحت بھیڑ میں اپنی گاڑی کو نہیں گھسایا تھا۔ واقعہ کے بعد ڈرائیور نے فرار ہونے کی کوشش کی لیکن پولیس نے اسے گرفتار کر لیا۔

عینی شاہدین کے مطابق گاڑی کی زد میں آکر زخمی ہوئے کچھ لوگ میکسیکو ٹیم کی جرسی پہنے ہوئے تھے۔میکسیکو اتوار کو ماسکو کے لوژنکی اسٹیڈیم میں اپنے پہلے میچ میں جرمنی کی ٹیم سے میچ کھیلے گي۔

روسی حکام نے فٹ بال ورلڈ کپ کی محفوظ میزبانی کے عزم کا ایک بار پھر اظہار کیا ہے۔ ملک کے 11 شہروں میں آئندہ 15 جولائی تک ورلڈ کپ کے میچ ہوں گے۔

About the author

Taasir Newspaper