دنیا بھر سے

چین کا پاکستان سے ہر شعبے میں تعاون جاری رکھنے کا عزم

Profile photo of Taasir Newspaper
Written by Taasir Newspaper

Taasir Urdu News Network | Uploaded on 11-September-2018

اسلام آباد ،( اے یوایس ) چینی وزیر خارجہ وانگ ڑی نے کہا ہے کہ چین ،پاکستان کے ساتھ ہر شعبے میں تعاون جاری رکھے گا ، پاکستان ،چین کاقابل اعتماد دوست ہے۔چینی وزیرخارجہ کا یہ بھی کہنا ہے کہ انہوں نے وزیراعظم عمران خان کو اپنے ملک کے دوریکی دعوت دی ہے۔ادھر پاکستانی وزیرخارجہ شاہ محمود قریشی کا کہنا ہے کہ پاکستان چین کے ساتھ مل کر عالمی فورمز پر کام کرتا رہے گا۔چین سے مذاکرات میں دوطرفہ معاملات ، غر بت کے خاتمے اور روزگار میں اضافے پر بات ہوئی ہے۔وانگ یی نے عالمی برادری پر زوردیا کہ وہ پاکستان کی قربانیوں کو سراہے، پاکستان اپنی سرزمین دہشت گردی کیلئے استعمال نہیں ہونے دے گا۔پاکستان کے دوریپرآئے ہوئے چینی وزیر خارجہ نے پاکستانی دفترخارجہ کا دورہ کیا۔ دفتر خارجہ میں دونوں ممالک کے وزرائے خارجہ کے مذاکرات ہوئے جس میں دوطرفہ تعلقات اور باہمی دلچسپی کے امور پر تبادلہ خیال کیا گیا۔چین کے وزیر خارجہ وانگ ڑی اپنے وفد کے ہمراہ دفتر خارجہ پہنچے جہاں ان کے پاکستانی ہم منصب شاہ محمود قریشی نے ان کا استقبال کیا۔مذاکرات کے پہلے مرحلے میں دونوں وزرائے خارجہ کے درمیان ون آن ون ملاقا ت ہوئی جس کے بعد وفود کی سطح پر مذاکرات ہوئے۔وزیر خارجہ شاہ محمود قریشی نے پاکستانی جبکہ وانگ یی نے چینی وفد کی قیادت کی۔ترجمان دفتر خارجہ کے مطابق مذاکرات میں خطے کی صورتحا ل، سی پیک، معاشی و ثقافتی تعاون اور باہمی دلچسپی کے دیگر امور پر تبادلہ خیال کیا گیا۔ دونوں وزرائے خارجہ نے اسٹریٹیجک تعاون پر مبنی شراکت داری کو مزید مستحکم کرنے کے عزم کا اعادہ کیا ۔اس موقع پر وزیر خارجہ شاہ محمود قریشی نے کہا کہ سی پیک حکومت کی اولین ترجیح ہے کیونکہ سی پیک پاکستان کی سماجی اور معاشی ترقی کیلئےانتہائی اہم ہے۔چینی وزیر خارجہ نے وزیر اعظم عمران خان کو چین میں ہونے والی درا?مدی اشیا کی بین الاقوامی نمائش میں مہمان خصوصی کی حیثیت سے شرکت کی دعوت بھی دی۔ون آن ون ملاقات اور وفودکی سطح پر مذاکرات کے بعد پاک چین وزرائے خارجہ نے مشترکہ نیوز کانفرنس کی۔شاہ محمود قریشی نے کہا کہ پاکستا ن چین کے ساتھ مل کر عالمی فورمز پر کام کرتا رہے گا، مذاکرات میں دوطرفہ معاملا ت ،غربت کے خاتمے اور روزگار میں اضافے پر بات ہوئی۔چینی وزیرخارجہ نے وزیراعظم عمران خان کو دوریکی دعوت دی ہے، ہم نے بھی چین کے صدر اور وزیراعظم کو پاکستان دورے کی دعوت دی ہے۔

About the author

Profile photo of Taasir Newspaper

Taasir Newspaper

Skip to toolbar