Taasir Urdu News Network | Uploaded on 20-September-2019
موہالی،( آئی این ایس انڈیا ) زیادہ تر گیند بازوں کو ڈیتھ اووروں میں بلے بازوں کو روکنا مشکل لگتا ہے لیکن ہندوستان کے نوجوان تیز گیند باز دیپک چاہر ٹوئنٹی 20 فارمیٹ میں اس چیلنج کا لطف اٹھاتے ہیں۔ہندوستان اگلے سال ہونے والے ٹی 20 ورلڈ کپ سے پہلے نوجوان کھلاڑیوں کو موقع دے رہا ہے اور 27 سال کے چاہر نے گزشتہ سال جولائی میں شروعات کرنے کے بعد تین میچ کھیلے اور تینوں میں متاثر کیا۔انہوں نے اس میں چھ وکٹ لیے۔آئی پی ایل میں چنئی سپر کنگ کے لیے بولنگ کا آغاز کرنے والے چاہر نے دکھا دیا کہ وہ ڈیتھ اووروں میں بھی اتنے ہی مؤثر ہو سکتے ہیں۔ہندوستان نے بدھ کو یہاں جنوبی افریقہ کے خلاف دوسرے ٹی 20 میچ میں سات وکٹوں سے کامیابی حاصل کی جس میںچاہر نے اہم کردار نبھایا۔انہوں نے کہاکہ پہلے میں ڈیتھ اووروں میں زیادہ بولنگ کیا کرتا تھا اور اس میں مجھے چیزیں آسان لگتی تھیںکیونکہ پاورپلے میں آپ کے پاس دائرے سے باہر صرف دو ہی فیلڈر ہوتے اور بعد میں آپ کو پانچ فیلڈر کی مدد ملتی ہے۔اس سے آپ ڈیتھ اوور میں بھی کافی ویریشن کرسکتے ہو۔