Taasir Urdu News Network | Uploaded on 05-Dec-2019
تیاری کا مکمل وقت
25 منٹ
پکانے کا وقت
45 منٹ
کتنے لوگوں کیلئے ہے
6 افراد
اجزاء
مرغی کا گوشت 1کلو
پیاز(سلائس کاٹ لیں) 3عدد
تیل 1کپ
نمک حسب ذائقہ
لال مرچ پاؤڈر 1کھانے کا چمچہ
دھنیا پاؤڈر 1کھانے کا چمچہ
سبز الائچی 10عدد
ثابت سیاہ مرچیں 10عدد
لونگ 6عدد
دارچینی 1ٹکڑا
تیزپات 2عدد
دہی(پھینٹ لیں) 1کپ
لہسن‘ادرک پیسٹ 2چائے کے چمچے
کیوڑا 2چائے کے چمچے
جائفل‘جاوتری پاؤڈر 1/2چائے کے چمچے
تیار کرنے کی ترکیب
پیالے میں دہی‘لہسن‘ادرک پیسٹ‘نمک‘لال مرچ پاؤڈر ‘دھنیا پاؤڈر ‘الائچی ‘ثابت سیاہ مرچیں‘لونگ‘دار چینی ‘تیز پات اور گوشت ڈال کر مکس کرکے 2-3گھنٹے تک میرینیٹ ہونے کے لیے رکھ دیں۔
پتیلی میں تیل گرم کرکے پیاز ڈال کر سنہری کرکے ٹشو پیپر پر نکال لیں۔بچے ہوئے تیل میں میرینیٹ کیا ہوا گوشت ڈالیں اور ڈھک کر درمیانی آنچ پر پکائیں۔
گوشت گل جائے تو جائفل‘جاوتری پاؤڈر اور پیاز چورا کرکے ڈال کر بھونیں۔تیل مصالحے سے الگ ہو جائے تو حسب ضرورت پانی شامل کریں اُبال آجائے اور حسب پسند شوربہ تیار ہو جائے تو کیوڑا ڈال
کر آنچ سے اُتارلیں۔نان یا روٹی کے ساتھ شروع کریں۔