Taasir Urdu News Network | Uploaded on 03-Jan-2020
تیاری کا مکمل وقت
15 منٹ
پکانے کا وقت
35 منٹ
کتنے لوگوں کیلئے ہے
3 افراد
اجزاء
بکرے کا گوشت آدھا کلو
نلیاں آدھا کلو
چاول ڈھائی پیالی
نمک حسب ذائقہ
ادرک لہسن پسا ہوا ایک کھانے کا چمچ
پیاز تین عدد درمیانی
دہی ایک پیالی
ٹماٹر تین عدد درمیانے
پسی ہوئی لال مرچ ایک کھانے کا چمچ
پسا ہوا دھنیا ایک کھانے کا چمچ
جائفل جاوتری آدھا چائے کا چمچ
بڑی اور چھوٹی الائچی آدھا چائے کا چمچ
خشک آلو بخارے چار سے پانچ عدد
ہری مرچیں تین سے چار عد د
ہرادھنیا آدھی پیالی
پودینہ آدھی پیالی
دودھ آدھی پیالی
زردے کا رنگ آدھا چائے کا چمچ
کوکنگ آئل آدھی پیالی
تیار کرنے کی ترکیب
گوشت اور نلیوں کو صاف دھو کر باؤل میں رکھیں اور اسے ادرک لہسن ،نمک،لال مرچ ،پسا ہوادھنیا اور دہی کے ساتھ میرینیٹ کرلیں۔
کوکنگ آئل میں باریک کٹی ہوئی پیاز کو سنہری فرائی کرلیں اور اس میں کٹے ہوئے ٹماٹر ڈال کر ہلکی آنچ پر پکائیں۔
جب ٹماٹر گلنے پر آجائے تو اس میں میرینیٹ کیا ہوا گوشت ڈال کر ہلکی آنچ پر گوشت گلنے تک پکائیں(درمیان میں اگر پانی خشک ہونے پر آجائیں تو ایک پیالی پانی اور شامل کردیں)۔چاولوں کو نمک ملے پانی میں ایک کنی ابال کر رکھ لیں۔
آلو بخاروں کو دھوکر آدھی پیالی پانی میں بھگو کررکھیں اور گوشت گلنے پر اس میں ہری مرچوں کے ساتھ شامل کردیں۔
گلے ہوئے گوشت کو پھیلے ہوئے پین میں ڈالیں اور اس پر باریک کٹا ہوادھنیا پودینہ ڈالیں پھر ابلے ہوئے چاول ڈال کر دودھ میں ملا ہوا زردے کا رنگ ڈالیں اور آخر میں پسی ہوئی الائچی اور جائفل جاوتری چھڑک کر ہلکی آنچ پر دس سے بارہ منٹ کے لئے دم پر رکھ دیں۔