ہندستان ہندوستان

1984فسادات:سجن کمار کو سپریم کورٹ سے عبوری ضمانت نہیں

Written by Taasir Newspaper

Taasir Urdu News Network | Uploaded on 15-Feb-2020

نئی دہلی،(یواین آئی)سپریم کورٹ نے 1984 کے سکھ مخالف فسادات سے جڑے معاملے میں عمر قید کی سزا پاچکے سابق کانگریسی رہنما سجن کمار کو عبوری ضمانت پر رہا کرنے سے جمعہ کو انکار کردیا۔چیف جسٹس ایس اے بوبڑے ،جسٹس بی آر گوئی اور جسٹس سوریہ کانت کی بینچ نے سجن کمار کی بوری ضمانت پر رہائی کا حکم دینے سے انکار کرتے ہوئے کہا کہ وہ گرمیوں کی چھٹیوں میں اس کی ضمانت عرضی پر سماعت کرے گی۔عدالت نے یہ بھی کہا کہ وہ سبری مالا معاملے میں سماعت پوری کرنے کے بعد کمار کی صحت پر ایمس کی ڈاکٹر رپورٹ پر غور کرےگی۔واضح رہے کہ سجن کمارکو دہلی ہائی کورٹ نے 17دسمبر 2018 کو عمر قید کی سزا سنائی تھی۔جس معاملے میں اسے قصوروار ٹھہرایا گیا اور سزا دی گئی وہ ایک- دو نومبر 1984 کو دہلی چھاونی کے راج نگر پارٹ -1 علاقے میں پانچ سکھوں کے قتل اورراج نگر پارٹ 2 میں ایک گرودوارے کو جلانےسے متعلق ہے۔

About the author

Taasir Newspaper